As novas de NOVA FANTASIA

Novembro de 2006 - Febreiro de 2007

Fórum Fantástico 2006

[23:07 09/11/2006] O Fórum Fantástico, a convención portuguesa do xénero fantástico, anúncia por fin a súa programación. Entre o 16 e o 19 de noviembre, organizado pola Épica – Asociación Portuguesa do Fantástico nas Artes -, unha vez máis proporcionando aos fans do xénero Fantástico catro días enchidos de Fantasía, Ciéncia-Ficción e Terror, con lanzamentos de libros, autores nacionales e estranxeiros, parolas e debates. O FF2006 este ano presenta coma temas centrais a Jorge Luís Borges, a História Alternativa e o Fantástico Ibérico.

Como convidados, e comenzando por dous autores anglo-saxóns, estará nada menos ca Christopher Priest, autor británico, quen tiña xa visitado Portugal en 1996. Esta vez faino con maior visibilidade, xa que presentará O Prestíxio, cuxa versión cinematográfica, do coñecido realizador Christopher Nolan e cun elenco de luxo, ven de se estrear nos Estados Unidos acadando o primeiro lugar do top da billeteira.

Ademáis, estará Harry Turtledove, autor e historiador, considerado por moitos ún dos principais responsables da actual expansión da Historia Alternativa como xénero literário. É coñecido en Portugal por O Agente de Bizâncio, e lanzará agora O Dilema de Shakespeare (en España: Británia Conquistada), unha história que parte dun hipotético éxito da Armada Invencíbel.

Este ano coa colaboración da AEFCFT – Asociacíon Española de Fantasía, Ciéncia-Ficción e Terror, estarán presentes no FF2006 os autores españois Juan Miguel Aguilera, Rodolfo Martinez e León Arsenal. Ademáis de estretar vencellos coas suas presentacións e debates, os españois aproveitarán a ocasión para o lanzamento en Portugal de, respectivamente, Rihla, A Sabiduría dos Mortos e O Espello de Salomon.

Por suposto, haberá representación da lusofonía, neste caso co convite ao autor brasileiro Gerson Lodi-Ribeiro, xa coñecido do público portugués por O Vampiro da Nova Holanda e Outras Histórias..., e que presentará o universo literário á volta do xogo online "Taikodom". Tamén estará presente Tarquinio Teles, da Hoplon Infotainment, para a presentación do própio xogo.

Entre os autores nacionais, terán desde os principiantes, coma é o caso das fantasías épicas presentadas por Madalena Santos e Pedro Ventura, até aos veteráns, como João Barreiros, que lanzará finalmente en portugués Disney no Ceo entre os Dumbos. E un caso raro no fantástico portugués: o lanzamiento dunha antoloxía de contos orixinais, pasados en Lisboa ao longo da sua História, cada ún nunha época diferente, pero todos ambientados nos mitos creados por H.P. Lovecraft, A Sombra Sobre Lisboa (con relatos de João Barreiros, Luis Filipe Silva, David Soares, Rogério Ribeiro, e moitos outros).

Ademáis estarán representados os comics, expresamente con A Viaxe da Virxe de Pepedelrey, e Shiki de João Lemos, ambos exemplo dos esforzos dos creadores portugueses en se internacionalizaren.

Haberá máis puntos de interese no programa de actos, que pdoedes consultar na Web oficial e que se dividirá pola Biblioteca Municipal Orlando Ribeiro, en Telheiras (días 16 e 17), polo auditório do IPJ (Instituto Portugués da Juventude) no Parque das Nações (día 18) e por actividades de RPG – RolePlaying Games na tenda RunaDrake (día 19).

Radcliffe quere matar a Harry Potter

[23:07 09/11/2006] Daniel Radcliffe, que repite o seu papel de neno meigo Harry Potter na vindeira quinta entrega da popular franquía, Harry Potter e a Orde do Fénix, dixo nunha recente entrevista que coida que o millor remate para a saga sería a morte de Harry. Preguntado sobre se interpretará a devandita morte na séptima parte da série, Radcliffe dixo: "Esa é unha moi boa pregunta... Gósta-me pensar que o farei... coido, persoalmente... é o único xeito no que [a escritora J.K. Rowling] podería parar calquera petición de que continúe escribindo [os libros de Potter], porque, quero dicir, se Harry sobrevive, ela ficará infestada por peticións de que escriba un oitavo libro polo resto dasúa vida".

Radcliffe, que falou por vía telefónica cun grupo de xornalistas o pasado 6 de novembro, trazou un paralelismo entre a relación do seu persoaxe coa némese de Harry, o malvado Lord Voldemort, e a relación entre Sherlock Holmes e Moriarty, ámbolos dous a punto de morrer en Reichenbach Falls para poder eliminar ao falcatruán. "Coido que ten algo que ver co feito de que... se cadra o único xeito no que Voldemort pode morrer é se Harry tamén morre" dixo o xove actor de 17 anos. E engadiu: "Os meus amigos fixeron a comparación entre ambos [Holmes e Moriarty] morrendo ao mesmo tempo. Pero, obviamente, non lera a secuela [na que Holmes resucitou]. Así que, si, esa é a clase de cousa que me gustaría que pasara".

Rowling está actualmente a escribir a séptima e derradeira entrega da franquía, para a que ainda non hai data de lanzamento anunciada. Harry Potter e a Orde do Fénix, baseada no quinto tomo da saga, será estreada o 13 de xullo de 2007.

Os Wachoski, de Matrix a Meteoro

Meteoro[23:53 02/11/2006] O produtor Joel Silver ven de contratar aos creadores de Matrix, Larry e Andy Wachowski, para que dirixan e escriban unha adaptación para a pantalla grande e con persoaxes reais da clásica série de debuxos animados dos anos 60 Meteoro.

Este filme será a primeira vez que o famoso duo regresa á dirección dende que completaran en 2003 a triloxía de Matrix, que tamén produciu Silver. Xuntarán-se con moitos creativos dos que estaban após das escenas nos filmes de Matrix, incluindo ao produtor executivo Grant Hill e ao supervisor dos efectos especiais John Gaeta, que gañou un Oscar polo seu traballo na triloxía.

Baseado na popular série de debuxos animados dos anos 60 creada polo pioneiro do anime Tatsuo Yoshida, e que foi remasterizada para os espectadores nos Estados Unidos (onde lle chaman Speed Racer), a série ía sobre Meteoro, un xove piloto de carreiras que conduce o seu flamante Mach 5, un súper deportivo GT fabricado polo seu pai con excepcionais características. Na película tamén poderemos ver outros persoaxes da série, membros da súa família: o seu pai, a nai, o seu irmán Rex, Chispita, a súa moza Trixi e se cadra o seu chimpancé Chito. E por suposto, o seu malvado rival, o corredor X, que en realidade era o seu irmán.

Silver leva tentando facer este filme dende os primeiros anos 90; en 2004, Vince Vaughn mesmo fixera unhas probas de cásting para interpretar ao corredor X. Cando Silver traballou en V for Vendetta cos Wachowskis, achegou-se-lles e falou-lles do proxecto. O dúo non estaba moi pola labor de non ser que poideran facelo dalgún dalgún xeito novo.

O plan é para os Wachowskis comezar a rodaxe en verán de 2007, para que se poida estrear no verán de 2008. Meteoro será distribuido pola Warner Brothers Pictures, en asociación coa Village Roadshow Pictures.

  • [22:46 26/10/2006] O cineasta Peter Jackson está moi decepcionado após de que os estudos de Hollywood Fox e Universal retirasen o seu apoio financeiro para converter en filme o videoxogo Halo, seica porque estaban moi desacougados pola suba do orzamento. Os xefes dos estudos pedíran-lle a Jackson e mais a Microsoft que reducisen os seus marxes de benefícios sobre o proxecto inicial de 200 millóns de dólares, pero ambos os dous refugaron a ideia. Os estudos estaban tamén preocupados polo director que impuxera Microsoft, o novato Neill Blomkamp. Nombergantes, un voceiro de Jackson dixo que a única cifra da que falaron algunha vez os estudos foi rebaixar o orzamento un 12,5% por non querer rodar en Nova Celanda.

  • [22:46 26/10/2006] Phyllis Kirk, a protagonista do filme clásico de terror O museu de Cera, finou no Motion Picture & Television Hospital en Califórnia aos 79 anos. A actriz morreu o xoves pasado por mor dun aneurisma cerebral. Kirk saltou á fama como modelo nos anos 40 antes de se facer actriz en Broadway. Debutou co filme Our Very Own pero se fixo célebre entre os afeccionados ao fantástico coma a "raíña do berro" no filme de 1953 de Vincent Price O museu de cera, unha obra mestra do cinema en 3D. Tamén é relembrada coma a muller de Peter Lawford na série de TV The Thin Man. Nos seus últimos anos de vida converteu-se nunha grande activista política e loitou contra a pena de morte nos Estados Unidos.

  • [22:46 26/10/2006] A Paramount Vantage ven de se facer cos dereitos mundiais do thriller psicolóxico de Alan McElroy Fracture, con Mike Macari e Neal Edelstein (The Ring) dispostos a producir. O proxecto polo de agora non ten un director e a história vai sobre un home cuxa muller e fillo desaparecen nunha sala de urxéncias.

  • [22:46 26/10/2006] A Fox Animation adaptará o conto clásico para nenos de Roald Dahl Fantastic Mr. Fox nun filme que misturará vários sistemas de animación, principalmente o chamado "stop-motion". Wes Anderson e Noah Baumbach adaptaron o libro; Anderson dirixirá e producirá xunto a Scott Rudin. O libro vai sobre un raposo que usa a súa intelixéncia para vencer a tres granxeiros parvos.

  • [22:46 26/10/2006] Corre o rumor pola rede de que o director de Superman Returns, Bryan Singer, chegou a un acordo coa Warner Brothers para facer unha secuela, cun orzamento inferior, con máis acción e introducindo a un malvado falcatruán do universo da DC Comics.

  • [23:34 19/10/2006] Quedan só 20 días para a inauguración da Hispacon e a organización xa emitiu o seu 4º informe de progresos, indicando que as inscripcións para a cea do sábado día 4 ten un custe de 45 euros, incluido o trasporte en autobús. A convención comezará o 3 de novembro ás 17:00 cun acto de apertura e a conferéncia inaugural Ciéncia-ficción de pata negra por Juan Carlos Pereletegui.

  • [23:34 19/10/2006] O ogro Shrek dará un chimpo até os escenários de Broadway cun musical de seu. Shrek: The Musical é a primeira incursión da DreamWorks Animation no teatro e é a continuación dun cobizoso proxecto dirixido polo realizador inglés Sam Mendes. A música e a história para o teatro foi creada por Jeanine Tesori e David Lindsay-Abaire. Jason Moore, o cerebro após do show de monicreques Avenue Q, será seguramente o director do musical, que se estreará en 2008.

  • [23:34 19/10/2006] Michael Caine, que repetirá o seu papel de Alfred, o fiel mordomo de Bruce Wayne, na vindeira película de Batman, The Dark Knight, relatou nunha recente entrevista que xa fixo algunhas suxestións ao director Christopher Nolan sobre o que lle gustaría que fixera o seu persoaxe: "estaba falando coa viúva do home que escribiu Batman, e ela me dixo que o seu home escribira unha preciosa escena que deberiamos facer na vindeira película", dixo Caine mentres promocionaba o seu último filme, The Prestige. "Ela me dixo que tiña unha escena na que Batman estaba tentando atrapar aos malos, e quería utilizar ao mordomo vestido de Batman coma un truco para poder rodealos. Así que llo dixen a Christopher, e non sei se vai utilizala (...). Coido que se me viste de Batman, será unha das escenas máis divertidas da história do cinema". Caine engadiu rindo: "Podes imaxinalo? Tentando meterme no traxe de Batman e logo correndo ao redor do bosque mentres el vai en dirección contrária para tentar atrapar aos malos?".

    A TVG presenta "O bosque das levas"

    [22:47 16/11/2006] Unha viaxe ao pasado; unha história de pantasmas, da guerrilla na época da Restauración borbónica, de dignidade e liberdade. Alfonso Álvarez Cáccamo escribira unha novela con recendo á Pantasma de Canterville de Óscar Wilde, que agora adaptaron Antón Lopo e Antón Dobao para construíren un guión cinematográfico. O resultado, un telefilme gravado en soporte cinematográfico, poderá-se ver axiña na pantalla. Esta semana foi presentado no Clube Internacional da Prensa.

    Neste filme, Lucía (Mónica Caamaño) e Alberte (Alfonso Agra) son un matrimónio con tres fillos adolescentes (Nerea Brey, Carlos Fernández e Adrián Seijas), que vive na Raia. Non tardan en descubrir que comparten o seu fogar co espectro dun republicano asasinado a garrote vil durante a restauración borbónica, que non pensa deixar este mundo até recibir a sentenza digna para un revolucionário: o fusilamento. A familia acólleo con cariño e fará o posíbel para axudalo na súa teima de recuperar a dignidade cun colariño (por moi espectro que sexa, ten o pescozo roto e precisa manter a cabeza sobre os ombreiros).

    Para os actores foi unha experiencia moi satisfactória: "nun mes chegas a perder a noción do tempo, e paréceche que pasaron dous anos. É unha vivencia tan intensa...", explicou Alfonso Agra, o pai de familia na ficción. César Cambeiro, que encarna á pantasma revolucionaria, contou que o seu personaxe relata unha história de dignidade: "A súa vida e a súa morte foron moi inxustas co seu labor no mundo. El non acepta a morte, como revolucionario que é, e non parará até ter unha morte digna". Mónica Caamaño gabou o resultado desta "mestura de literatura, cinema, realismo máxico...", e afirmou que "temos un camiño andado na nosa cultura cinematográica, e somos debedores deste tipo de proxectos para continuarmos nesa liña".

    Adeus a Basil Poledouris

    [22:47 16/11/2006] O pasado 8 de novembro, e após de vinte anos adicado a lle poñer a banda sonora a máis de oitenta películas, Basil Poledouris finou o mércores, vítima dun cancro, aos sesenta e un anos de idade. Nado en Kansas City en 1945, Poledouris graduó-se na USC (a escola de cinema de Los Angeles) na mesma clase que George Lucas, John Milius ou Randall Kleiser. A sua música caracterizou-se polo emprego en abundáncia das secciónes de percusión e metal, así coma o uso de grandes masas corais, que confiren as suas composicións un ton espectacular. Ao longo da súa carreira dirixiu a prestixiosas formacións coma a Orquestra Sinfónica de Austrália e a Orquestra Sinfónica de Londres.

    No seu haber hai que contar con moitas producións para o cinema fantástico, onde se fixo famoso grazas á banda sonora de Conan o Bárbaro, Os Señores do Aceiro, Robocop, A Caza do Outubro Vermello ou Starship Troopers.

    Nos últimos anos, mália a enfermidade que o mantivo inactivo, mirába-se-lle moi ilusionado con volver a traballar nunha secuela de Conan, e seica xa tiña composta grande parte da partitura de Conan: Coroa de Ferro, un filme que os irmáns Wachowski e Milius nunca chegaron a converter en realidade.

    Basil deixa esposa e duas fillas: Alexis e Zoë. Esta última colaborou con el na BSO de Starship Troopers e tamén axudou a seu pai na composición do tema The Orgy de Conan o Bárbaro, con só sete anos de idade. Na actualidade, Zoë adica-se a compoñer bandas sonoras para películas.

    Lunar Park, prémio do Terror

    [23:07 09/11/2006] O libro de Bret Easton Ellis Lunar Park gañou o Prémio da International Horror Guild (Asociación Internacional de Terror) á millor novela nunha cerimónia que tivo lugar o pasado día 2 de novembro en Austin, Texas. Chelsea Quinn Yarbro foi nomeada Lenda Viva deste ano.

    A IHG, antigamente chamada International Horror Critics Guild (Asociación Internacional de Críticos de Terror), foi creada en 1995 como xeito de recoñecer os méritos daqueles creadores adicados a difundir o terror e mais a fantasía escura. Os prémios deste ano son para os millores de 2005. Velaquí vai a listaxe completa cos gañadores:

    • Novela: Lunar Park, de Bret Easton Ellis
    • Ficción breve: There's a Hole in the City, de Rick Bowes
    • Ficción intermédia: La Peau Verte, de Caitlin Kiernan
    • Ficción longa: Kiss of the Mudman, de Gary Braunbeck
    • Colección: 20th Century Ghosts, de Joe Hill
    • Xornal ou revista: "Postscripts".
    • Narración ilustrada: Memories, de Enki Bilal
    • Non ficción: Supernatural Literature of the World, de S.T. Joshi e Stefan Dziemianowicz
    • Arte: Clive Barker por Exhibition: Visions of Heaven and Hell (and Then Some)

    Hulk regresará en 2008

    [23:07 09/11/2006] A Marvel Studios e a Universal Pictures veñen de anunciar o lanzamento para o 27 de xuño de 2008 da secuela de The Incredible Hulk, a segunda parte do filme de 2003 sobre o xigante verde. O anúncio realizárono o pasado día 6 Michael Helfant, presidente e xefe de operacións da Marvel Studios, e Kevin Feige, presidente de produción da Marvel.

    Louis Leterrier (Transporter 2, Unleashed) dixirirá esta segunda entrega do Incríbel Hulk, que regresará ás raíces da popular série dos cómics. Zak Penn, quen xa colabourou coa Marvel en X2 e X-Men: The Last Stand, escribirá o guión. O proxecto está a ser producido por Avi Arad, Feige e Gale Anne Hurd, mentres que Michael Helfant, David Womark e Arad serán os productores executivos. Na Marvel Studios están a facer o cásting de actores para este filme.

    The Incredible Hulk será producido de xeito independente por Marvel Studios cun orzamento de 525 millóns de dólares, e será distribuido en todo o mundo pola Universal Pictures.

    Opcións para as guerras do demo

    [23:07 09/11/2006] A Devil's Due Publishing ven de se facer coas opcións para producir unha película, séries de televisión e toda caste de merchandising para desenvolver DemonWars, a série de novelas de fantasía de R.A. Salvatore.

    Salvatore, un autor moi recoñecido no eido da fantasía, comezou a súa série de DemonWars (as guerras demoníacas) a finais dos anos 90, e xa leva oito novelas publicadas até hoxe. As histórias teñen lugar no mundo de Corona, un reino de máxia e fantasía onde a relixión organizada controla a sociedade.

    Devil's Due xa publicou adaptacións en forma de novelas gráficas doutras obras de Salvatore, coma as novelas da série Forgotten Realms, e planea lanzar un comic de DemonWars en vran.

    Kafka gaña o prémio da Fantasía

    [23:07 09/11/2006] Máis de 900 fans e profesionais do fantástico axuntáron-se para celebrar o bó estado do xénero na Convención Mundial da Fantasía que tivo lugar entre o 2 e 0 5 en Austin, Texas, e que este ano honrou especialmente ao nativo daquel Estado Robert E. Howard, o creador de Conan. Howard tería cumprido cen anos este mes, pero morreu tráxicamente aos 30 anos en 1936.

    A novela de Haruki Murakami Kafka on the Shore levou-se ún dos dous principais prémios Mundiais da Fantasía, que se deron a coñecer o día 4. A novela curta de Joe Hill Voluntary Committal levouse outro galardón, e CommComm de George Saunders gañou o prémio ao millor relato. O escritor Bradley Denton , gañador de anteriores edicións, foi o mestre de cerimónias na entrega de trofeos.

    Os prémios Mundiais da Fantasía outórgan-se cada ano ás millores obras de literatura e arte fantásticos. Os trofeos, coñecidos popularmente coma "Howies" son unha representación da cabeza do lendário escritor de terror e fantasía H.P. Lovecraft. Entre os gañadores de pasadas eedicións atópan-se Ellen Datlow ou Terri Windling, que comparten o récord con sete prémios cadanseu, e mais o mestre do terror Stephen King. Os outros agrazados deste ano foron:

    • Antoloxía: The Fair Folk, de Marvin Kaye
    • Colección: The Keyhole Opera, de Bruce Holland Rogers
    • Artista: James Jean
    • Prémio especial (profesional): Sean Wallace
    • Prémio especial (non-profesional): David Howe e Stephen Walker

    Moitos actos da programación da convención estiveron adicados a Howard ou á clase de ficción que el adoitaba escribir. Na súa honra publicouse Cross Plains Universe: A Texan Tribute to Robert E. Howard, editado por Joe R. Lansdale e Scott Cupp.

    Dúcias de debates adicáron-se a presentar a profesionais do xénero fantástico, que falaron de todo o divino e o humano, pero en especial da fantasía heróica e do arquetipo do guerreiro bárbaro, mentres relembraban a moitos autores esquecidos.

    Entre os convidados de honra estiveron Glen Cook, Dave Duncan, Robin Hobb, Glen Lord, John Jude Palencar, Gary Gianni, Ted Chiang, Joe R. Lansdale e Howard Waldrop, L.E. Modesitt, Stephen R. Donaldson e Kate Elliott.

    A convención do ano que ven terá lugar do 1 ao 4 de novembro en Saratoga Springs, New York.

    Grand Prix de l`Imaginaire 2006

    [23:07 09/11/2006] O xurado do Le Grand Prix de l´Imaginaire anunciou durante a Utopiales que tivo lugar na localidade francesa de Nantes a pasada fin de semana os gañadores deste prémio. A lista completa vai deseguido:

    • Prémio especial: La revue Fiction
    • Ensaio: François Rouiller por 100 mots pour voyager en Science-Fiction
    • Prémio Wojtek Siudmak de Ilustración: "Eikasia"
    • Prémio Jacques Chambon de tradución: Mélanie Fazi por Lignes de vie
    • Novela xuvenil (ex-aequo): Timothée de Fombelle por La vie suspendue e Jonathan Stroud por La trilogie de Bartiméus
    • Relato estranxeiro: Lucius Shepard por Aztechs
    • Novela curta francófona: Sylvie Lainé por Les yeux d´Elsa
    • Novela estranxeira: Graham Joyce por Lignes de vie
    • Novela francófona: Catherine Dufour por Le goût de l´immortalité
    • Prémio europeo: Brian Aldiss polo conxunto da súa obra

    Gañadores Ignotus 2006

    [23:07 09/11/2006] Na noite do pasado día 5, no decurso da cea oficial da HispaCon 2006 que se celebrou na localidade sevillana de Dos Hermanas, entregaron-se os Prémios Ignotus, concedidos pola Asociación Española de Fantasía, Ciéncia-Ficción e Terror, que premian o máis salientábel na Literatura Fantástica publicada en España ao longo do ano pasado e que son votados polos seus membros e polos fans inscritos no congreso. A lista completa de galardoados é:

    • Novela: Danza de tinieblas, de Eduardo Vaquerizo
    • Novela curta: La traición de Judas, de Joaquín Revuelta
    • Conto: Días de otoño, de Santiago Eximeno
    • Antoloxía: Ven y enloquece, de Fredric Brown
    • Ensaio: Idios Kosmos, de Pablo Capanna
    • Artigo: Crónicas Marcianas, de Alfonso Merelo
    • Ilustración: Gigamesh 41, de Alejandro Terán
    • Produción audiovisual: Cálico Electrónico (Web), de Nikodemo Animation
    • Cómic: La legión del espacio, de Alfredo Álamo
    • Poesía: On / Off, de Gabriella Campbell
    • Revista: Asimov CF
    • Novela estranxeira: Tormenta de Espadas, de George R.R. Martin
    • Conto estranxeiro: El sumidero de la memoria, de Mike Resnick
    • Sítio Web: Sitio de ciencia-ficción, de Fco. José Suñer Iglesias

    Por certo que anunciou-se na Asamblea do domingo que o que até agora desempeñou o papel de Vocal de Internet na AEFCFT, Alfredo Álamo, deixa a xunta para pasar a ser un simples socio, pero dirixindo cunto con Raquel Vallés o boletín "Pórtico". Ademáis, despóis do chamamento na Asamblea á colaboración de todos os sócios, houbo un ofrecemento por parte do sócio Raúl Gonzálvez para se involucrar activamente na Asociación. Dada a coincidéncia xeográfica da maior parte da xunta e el, se lle ofreceu que pasara a formar parte como Vocal da xunta, ao que accedeu.

    O CGAI adica un ciclo a David Cronenberg

    [23:07 09/11/2006] O Centro Galego de Artes da Imaxe, na Coruña, comenzou esta semana un ciclo adicado á obra do director canadiano David Cronenberg (Ontario, 1943). A programación iniciou-se coa proxección de Cromosoma-3, de 1979, e supuxo o visionado por primeira vez en Galiza dalgúns dos primeiros títulos da sua filmografía. A retrospectiva cubre desde os seus primeros filmes de terror dos anos setenta ata as suas últimas producións americanas.

    Esta semana tamén se proyectarán algunhas destas fitas: M. Butterfly, Scanners, Videodrome (este venres), e as óperas primas Stereo, Crimes of the future e A zona morta (para o sábado).

    O ciclo tamén inclúe algunhas das obras máis coñecidas de Cronenberg, coma A mosca, O almorzo espido, Crash e Existenz. O director vále-se dun xénero, o terror, para propoñer nas suas películas reflexións de dimensións filosóficas e científicas, que o convirten nun cineasta orixinal.

    O ciclo está organizado en colaboración coa Semana de Cinema Fantástico e de Terror de San Sebastián, ademáis de con IVAC-A Filmoteca. Tamén ven acompañado da publicación do libro David Cronenberg, los misterios del organismo, de Quim Casas, do que é coeditor o CGAI.

  • [0:37 03/11/2006] Mick Garris, produtor executivo da série Masters of Horror, dixo que o polémico último episódio da pasada tempada, titulado Homecoming, no que os veteráns de guerra regresan de entre os mortos para votar e botar ao Presidente do seu posto, foi inspirador para levar mesmo máis lonxe as cousas nesta vindeira tempada que há escomezar axiña nos EE.UU. Así, os vindeiros episódios falarán sobre o aborto, a eutanásia ou a corrución política.

  • [0:37 03/11/2006] A Asociación de Mulleres Progresistas de Vigo achéga-nos as bases do I Prémio de relatos "Mulleres Progresistas". Ainda que non é un prémio adicado en exclusiva ao xénero fantástico, non está nin moito menos excluido. Iso si, só poden participar as nosas lectoras. O primeiro prémio é de 500 euros e podedes atopar as devanditas bases nesta ligazón. Máis información no teléfone 986434874.

  • [0:37 03/11/2006] O comite organizador da Hispacón de Dos Hermanas emitiu un 5º e derradeiro informe de progresos, xusto uns días antes do escomezo da convención, que terá lugar nesta fin de semana, a partir do venres 3 de novembro a partir das 12:00 horas coa benvida e acreditación dos congresistas no Teatro Municipal "Juan Rodríguez Romero" desta vila sevillana e até o domingo día 5 ás 13:30 co acto de clausura.

  • [0:37 03/11/2006] A Universal Pictures ven de se facer cos dereitos sobre Everlost, unha novela fantástica de Neal Shusterman que será desenvolvida como potencial vehículo de dirección para Gary Ross e a súa compañía Larger Than Life. Shusterman mesmo escribirá o guión. Publicada pola Simon & Schuster, Everlost vai sobre Nick e Allie, pasaxeiros adolescentes en coches que chocan e atópan-se nun mundo descoñecido chamado Everlost, sen estaren certos de seguiren vivos. O libro é o primeiro dunha série e agardan que se poida converter nunha franquía.

  • [0:37 03/11/2006] O escritor e guionista de terror e ciéncia-ficción Nigel Kneale, nacido en 1922, finou o pasado 29 de outubro aos 84 anos. Kneale foi o guionista da série de televisión inglesa de 1953 O experimento Quatermass, que tivo dúas secuelas, tres versións no cinema, unha série en 1979 e un libro tamén en 1979. Kneale escribiu relatos nos seus primeiros anos de carreira, que foron escolmados en Tomato Cain (1949), e escribiu guións para unha versión televisiva da novela 1984 en 1954 e para os filmes First Men in the Moon (1964), The Witches (1966) e Halloween III (1982), ainda que para esta última trocou o seu nome nos títulos de crédito porque non lle gustou o resultado final.

  • [0:37 03/11/2006] Ben Affleck nunca máis volverá a interpretar a un superheroe, após de ser "humillado" hai tres anos cando levou o uniforme de Daredevil. Alomenos iso é o que el mesmo dixo na estrea en Londres de Hollywoodland, no que Affleck interpreta ao primeiro actor que deu vida a Superman, George Reeves. Affleck dixo: "Interpretar a un superheroe en Daredevil, inoculou-me de volver a interpretar a outro superheroe. Levar un disfraz foiu unha espécie de humillación para min e non me gustaría volver a facelo axiña". E iso que facer de Daredevil non foi do todo malo para Affleck, que atopou no plató de rodaxe á súa muller, Jennifer Garner.

  • [0:37 03/11/2006] O actor Arthur Hill (1922) finou o pasado 22 de outubro. Hill apareceu en varios filmes e telefilmes de interese para os afeccionados, entre eles A ameaza de Andrómeda e Futureworld. Ademáis, proporcionou a voz do narrador da clásica adaptación de Ray Bradbury Something Wicked This Way Comes.

  • [22:46 26/10/2006] Harrison Ford reafirmou perante un grupo de fans de Indiana Jones que aínda está rufo para facer unha vez máis o papel do intrépido explorador aos seus 64 anos. O actor foi bombardeado con preguntas na sesión inaugural do festival de cinema de Rome o pasado venres. O cuarto filme de Indiana Jones leva en fase de proxecto máis dunha década, e cada vez semella máis improbábel que se chegue realizar algunha vez.

    George RR Martin, ameaza para os EE.UU.

    [0:35 18/11/2006] A compañía de pagos por Internet PayPal Inc. ven de conxelar os activos que tiña o escritor de ciéncia-ficción George RR Martin. Por razóns descoñecidas, o seu nome apareceu na Oficina de Control de Activos Estranxeiros do Departamento do Tesouro dos Estados Unidos.

    A misión desta Oficina segundo di a súa própia web é a de administrar e aplicar sancións económicas e comerciais, baseadas nos obxetivos da política exterior e a seguridade nacional dos Estados Unidos, contra países estranxeiros, terroristas, traficantes de narcóticos, e aqueles implicados en actividades relacionadas coa proliferación de armas de destrución masiva. A OFAC pode impoñer controis sobre transaccións e conxelar activos estranxeiros.

    A cantidade bloqueada por PayPal na conta de Martin é de aproximadamente 50 dólares (uns 40 euros ao troco). No pasado houbo intres, segundo manifestou o própio Martin, que tivo circulando na conta de PayPal milleiros de dólares: "Creáme, se vostede pensa que agora estou tocado, imaxine o mal corpo que tería se me estiveran e roubar miles de dólares no canto de 50", dixo o autor de Xogo de Tronos e Canzón de Xeo e Lume.

    Para desbloquear a conta Martin informa que "debo proporcionar a PayPal diferentes probas da miña identidade. Eles teñen os meus números de tarxeta de crédito e de conta bancária, pero non lles vale. Queren cópias do meu pasaporte e o meu certificado de nacemento". E todo por non dispoñer de DNI nos Estados Unidos.

    Them: Eles xa están aquí

    [22:48 16/11/2006] O produtor executivo de Battlestar Galactica, David Eick, unirá-se ao director Jonathan Mostow e ao escritor John McNamara para desenvolver Them, unha série de ciéncia-ficción sobre unha invasión extra-terrestre para a canle Fox. O drama, dunha hora de duración, será producido por David Engel, da compañía Circle of Confusion, e por David Alpert, da CBS Paramount Network Television.

    O proxecto está baseado na novela gráfica Six, escrita por Michael Oeming e Daniel Berman. Eick e McNamara escribirán o guión para a série de televisión e tamén actuarán como produtores executivos xunto a Mostow (o director de Terminator 3). Mostow tamén está vencellado a este proxecto como director, na queserá a súa primeira aparición estelar na televisión.

    A premisa básica de Them ("Eles") vai sobre unha célula durminte de terroristas extra-terrestres que adoptan a forma de seres humanos. A súa misión ficará comprometida cando comecen a experimentar coas emocións humanas, que actúan coma unha droga para os áliens.

    O vindeiro Superman voará en 2009

    [22:48 16/11/2006] A secuela de Superman Returns, da que vos dimos a primícia mundial en NOVA hai unhas semanas, aparecerá probábelmente nas salas de cinema en 2009, segundo se desprende do manifestado nunha recente entrevista polo produtor executivo Chris Lee, mentres que o sítio Web IESB.com informou sobre un rumor segundo o cal o título desta secuela será Superman: The Man of Steel. Lee, que tamén é director da Universidade de Hawaii dos Médios Creativos, foi o anfitrión dun encontro entre o director de Superman Returns, Bryan Singer e o produtor Jon Peters, que tivo lugar o pasado 9 de novembro con estudantes de Honolulu.

    Singer e Peters están en Honolulu esta semana para celebrar o aniversário de Lee e para escomezar a planear a vindeira película do Home de Aceiro, que comezará a se producir a meiados ou finais do ano que ven nun lugar ainda pordeterminar. Superman Returns fora rodada en Sydney, Austrália.

    Singer dixo que tamén lle ofreceran dirixir a cuarta entrega de X-Men, pero tivo que renunciar por non ter tempo para estoutro filme de grande orzamento antes de que o vindeiro proxecto de Superman comece a ser unha realidade. Ademáis engadiu que está interesado no guión dunha secuela dos Homes X da que se leva falando moito tempo, Wolverine (Lobeto).

    O novo truco de Singer

    [22:47 16/11/2006] Brian Cox, Anna Paquin, Dylan Baker e Leslie Bibb xa son parte do reparto que axiña comezará a rodaxe de Trick 'r Treat, un novo filme de terror que Bryan Singer vai producir para a Legendary Pictures e a Warner Brothers a través da súa compañía, a Bad Hat Harry Productions.

    Michael Dougherty, o co-guionista de Superman Returns e X2, é o autor do libreto deste novo filme e ademáis será o director, cargo que ocupará por primeira vez. A rodaxe escomezará a semana que ven en Vancouver, Canadá.

    Singer, intrigado polo guión de Dougherty, asinou para producir o proxecto e estará presente no plató durante a rodaxe. A história está ambientada nunha noite de Halloween nunha vila onde aqueles que rachan coa tradicional regra de "truco ou trato" reciben un inesperado castigo.

    Orson Scott Card, unha novela e un videoxogo

    [22:47 16/11/2006] Orson Scott Card, o consagrado autor de libros coma O xogo de Ender e as suas múltiples secuelas, publicará un libro que servirá de base a unha franquía que incluirá videxogo, cómics, novelas e seica mesmo películas.

    Empire, que sairá á venda o 28 de novembro nos Estados Unidos, sitúa-se nun futuro non demasiado afastado, no que vai estoupar unha guerra civil entre a esquerda e a dereita americanas. O obxectivo dos protagonistas do libro (e do xogo) será evitar esa guerra, intentando devolver a paz ao país.

    Este proxecto corre a cargo de Chair Entertainment, unha empresa independiente que xa desenvolveu videoxogos anteriormente. Nunha recente entrevista, Card afirmou que o que diferenciará Empire doutros xogos é que os xogadores "simpatizarán co que os persoaxes intentan facer. Quererán que eles gañen. Non será só un asunto de matar sen pensar". O escritor, gañador dos máis salientábeis prémios da ciéncia-ficción coma o Hugo ou o Nebula, comentou que os adiantos técnicos á hora de desenvolver videoxogos deberían servir para algo máis que para engadir niveis, e que os creadores deberían ter máis liberdade e máis tempo para crear grandes xogos.

    Finou Jack Williamson

    [22:47 16/11/2006] O pasado día 10 de novembro finou Jack Williamson, nacido en 1908, e considerado o "Decano" da ciéncia-ficción, na súa casa en Portales, New Mexico, aos 98 anos. Williamson e a súa família mudáron-se a New Mexico cando el era un neno, pero no canto de ficar no rancho familiar, foi á Universidade e obtivo unha Licenciatura en Filosofía pola Universidade de Colorado.

    Williamson foi o primeiro en escribir sobre temas coma a enxeñería xenética ou a antimatéria. Ademáis, foi o primeiro (hai xa máis de 70 anos) que falou de foguetes nucleares que colonizarían a Lúa. Ao longo da sua carreira recibiu numerosos recoñecementos á sua obra, coma os prémios aos méritos dunha vida World Fantasy Award e Bram Stoker, o Grande Mestre da SFWA, a entrada no Salón da Fama da Ciéncia-Ficción, o prémio Hubbard Escritor do Futuro, o Prémio SFRA Pilgrim, o prémio Big Heart e o Skylark, por non falar do Hugo, o Nébula, e este mesmo ano o prémio Heinlein.

    Na súa dilatada carreira, que comezou en 1928 cando vendeu o seu primeiro relato, destacan novelas coma A lexión do espazo, Os humanoides, Máis tenebroso do que pensades, ou Terraformar a Terra. Mália a súa idade, a súa carreira continuaba e o ano pasado publicou a sua derradeira novela, The Stonehenge gate.

    Williamson deixa un irmán, Jim Williamson, unha filla, e moitos netos e sobriños. A súa muller, Blanche Slaton Harp Williamson, un irmán e unha irmá morreran anos antes ca el.

  • [23:14 09/11/2006] Wesley Snipes alcanzou un acordo coa IRS (a Facenda dos Estados Unidos) no que respeita ao asuntiño dos impostos que "esqueceu" pagar. O acordo implica que Snipes entregará-se ás autoridades en canto pise chan americano. En troques, non será encarcerado e se lle permitirá seguir viaxando. Segundo a acusacion, Snipes defraudou case 12 millóns de dólares en impostos entre 1996 e 1997. O protagonista de Blade dixo que todo é culpa dos seus contables. O actor atópa-se arestora en Namíbia rodando o filme de terror Gallowwalker.

  • [23:14 09/11/2006] Os fillos do defunto protagonista de Superman, Christopher Reeve, decidiron continuar cos esforzos de seu pai en prol da investigación con células nai para curar a parálise. O actor finou en 2005, nove anos despóis de que unha caída do seu cabalo lle crebase a espiña dorsal, deixándoo de por vida nunha cadeira de rodas. Antes de morrer, fundou a Christopher Reeve Paralysis Foundation para acadar fondos para a investigación e a terápia. Os seus tres fillos, froito de dúas relacións, son Alexandra, de 24 anos, Matthew, de 27 e Will, de 14, e todos estarán incluidos na xunta directiva da asociación benéfica. Alexandra, filla de Reeve coa súa ex-muller Gae Exton, dixo: "o accidente do noso pai conectounos realmente con esta comunidade: catro millóns de persoas nos Estados Unidos sofren de parálise. Entendemos o importante que é non só atopar unha cura senón dar calidade de vida". A viúva de Reeve, Dana Reeve, finou por mor dun cancro de pulmón este mesmo ano.

  • [23:14 09/11/2006] O protagonista da série orixinal de Star Trek, William Shatner, revelou que mantivera unha longa conversa co co-creador de Perdidos, J.J. Abrams, sobre a proposta de 11ª entrega da saga cinematográfica da popular franquía de ciéncia-ficción, o que confirma os rumores que NOVA difundira hai uns meses. Shatner bromeou cando lle dixeron se podería volver a interpretar ao capitán James T. Kirk no filme, que seica irá sobre o primeiro encontro entre Kirk e Spock.

  • [23:14 09/11/2006] Electronic Arts desveou os seus plans para facer outro videoxogo sobre O Señor dos Aneis, un novo xogo da saga de SimCity e a seguinte xeración de Black. Non está claro se os xogos chegarán para 2007 ou se agardarán até o final do seu ano fiscal.

  • [23:14 09/11/2006] O director George Lucas quere deixar de facer películas para se concentrar en negócios máis lucrativos na televisión. O creador da Guerra das Galáxias dixo que facer cinema hoxendía é arriscado de máis, por mor dos custes da produción, por riba dos 200 millóns de dólares como mínimo. Lucas tamén coida que as descargas na Internet están a sacudir o mercado. Lucas dixo que por eses 200 millóns que custa unha soa película pode rodar 50 ou 60 telefilmes de dúas horas. Nombergantes, Lucas ainda ten pendentes traballos no cinema, coma a cuarta entrega da saga de Indiana Jones.

  • [23:13 09/11/2006] A Paramount Vantage ven de adquirir os dereitos sobre a novela sobrenatural de A.N. Wilson A Jealous Ghost para que Kirsten Dunst protagonice unha película baseada nela. A escritora de Virginia Megan Holley adaptará o libro para a pantalla grande. Dunst dixo que desexaba atopar un persoaxe nun thriller psicolóxico ao nivel de O relostro ou A repulsión de Roman Polanski.

  • [23:13 09/11/2006 O realizador ruso Timur Bekmambetov (Nightwatch) dirixirá Wanted, un filme de acción de ciéncia ficción da Universal Pictures no que Morgan Freeman e James McAvoy serán probabelmente os protagonistas. O filme, baseado na minisérie de Top Cow Cómics de Mark Millar e J.G. Jones, marcará o debut deste director no mercado do cinema en língua inglesa. A história vai sobre un home que sofriu abusos que descobre que o seu pai, perdido hai moito, é un asasino. Após de que o seu pai morra, o fillo será recrutado para unha organización de asasinos.

  • [0:37 03/11/2006] A terceira película de Elio Quiroga ("Fotos", "La Hora Fria") comezou a súa rodaxe en Madrid o pasado 30 de outubro. NO-DO será unha história de terror na que unha muller ve pantasmas e a explicación ás aparicións está agocha nunha vella fita do No-Do. A película, que especula coa lenda urbá das fitas misteriosas do No-Do usadas pola igrexa católica para os seus exorcismos, está protagonizada por Ana Torrent, Francisco Boira, Rocio Munoz, Hector Colome e Paco Casares.

    James Gunn, Grande Mestre

    [0:48 01/12/2006] A SFWA (Science Fiction and Fantasy Writers of America) ven de anunciar que o escritor James Gunn será honrado co vindeiro prémio Grande Mestre "Damon Knight Memorial". O prémio será presentado no decurso da vindeira fin de semana dos Nebula, que terá lugar en New York do 11 ao 13 de maio de 2007.

    Gunn comezou a escribir ciéncia-ficción en 1948, foi un escritor freelance adicado en exclusiva durante catro anos e é autor de alomenos 1000 contos publicados en libros e revistas. Escribiu 26 libros e editou outros dez. Gunn é o 24º escritor recoñecido con este importante prémio pola SFWA.

    Na listaxe dos anteriores gañadores hai xente coma Robert A. Heinlein (1974), Arthur C. Clarke (1985), Isaac Asimov (1986), Ursula K. Le Guin (2003), Anne McCaffrey (2005) e Harlan Ellison (2006). Até 2002 o título era sinxelamente "Grande Mestre", pero dende ese ano foi renomeado para lle engadir o nome do creador dos prémios e fundados da SFWA, Damon Knight.

    Barker fará un filme sobre Poe

    [0:48 01/12/2006] O mestre do terror Clive Barker vai-se asiciar coa Walden Media pra crear un thriller dirixido ao público xoven e centrado na pantasma de Edgar Allan Poe. Barker desenvolverá a história e producirá o proxecto, que contará con Anthony DiBlasi e Joseph Daley, ambos da compañía de Barker, a Seraphim Films, como produtores executivos.

    O filme xirará ao redor dun grupo de rapaces que tentan averiguar o que aconteceu durante as dúas últimas semanas de vida de Poe, e sen se decataren desencadean unha maldición que deixa ceives aos pesadelos de Poe, dos que deberán fuxir.

    O proxecto Poe marca a primeira sociedade entre Barker e a Walden Media. Barker aventurou-se no mundo dos nenos co seu libro The Thief of Always, publicado en 1992 e que está en produción arestora pola 20th Century Fox. Máis recentemente, Barker publicou as primeiras dúas novelas da súa cuatriloxía The Books of Abarat.

    Coma xa vos adiantamos hai uns días, Barker tamén escribirá o guión e producirá un remake do seu filme Hellraiser para a Dimension Films. El e mais o seu selo Midnight Picture Show están ademáis a desenvolver vários dos seus contos publicados na colección The Books of Blood.

    Starship Troopers 3, na liña de saída

    [0:48 01/12/2006] O guionista e director Ed Neumeier desvelou nunha recente entrevista que a Sony está por lle dar a luz verde a un novo proxecto que consistirá en facer unha terceira parte do clásico da ciéncia-ficción Starship Troopers. Os plans implican comezar a rodar o ano que ven. Casper Van Dien regresará ao seu papel de Coronel John Rico, haberá novos bichos e revoltas por mor da leva. A relixión terá un papel importante e a Federación disporá dun novo arma.

    Starship Troopers 3 sería asemade a última secuela na franquía que deu comezo en 1997 baixo a dirección de Paul Verhoeven, cun filme que obtivo un grande éxito e que pola súa violéncia inusitada acadou un posto entre os filmes de culto dos afeccionados. A história vai sobre unha guerra entre a humanidade e una insectos alieníxenas xigantes (os "bichos"). Neumeier escribira o guión para aquel filme, baseado lonxanamente nunha novela homónima do escritor Robert A. Heinlein.

    Neumeier tamén escribiu e coproducir a segunda parte, que foi directamente ao mercado do vídeo, Starship Troopers 2: Heroes da Federación, dirixida por Phil Tippett. Esta terceira parte iría tamén directamente ao mercado das películas de aluguer en DVD.

    A odiseia de Jackson co Hobbit

    [23:46 23/11/2006] O director de O Señor dos Aneis, Peter Jackson e mais a súa parceira Fran Walsh non tomarán parte na versión para o cinema da novela de J.R.R. Tolkien O Hobbit ou nunha segunda triloxía de O Señor dos Aneis que sexa precuela da anterior, xa que seica a New Line ven de lles dicir que os estudos están á procura doutro director, segundo confirmaron Jackson e Walsh nun sítio Web. Jackson dixo que o produtor da New Line Mark Ordesky falou co manager de Jackson, Ken Kamins, e lle dixo que os estudos ían seguir adiante co proxecto, pero sen contar con Jackson e Walsh porque a parella non quixo facer O Hobbit como condición prévia para chegar a un acordo nunha demanda que teñen contra a New Line para que lles aumente a porcentaxe de benefícios sobre a triloxía dos aneis.

    Jackson dixo que non quere nin oir falar do Hobbit até que a New Line lle dea o que segundo el lle debe, pero Michael Lynne, co-presidente da New Line Cinema, replicou que Jackson xa chegara a un acordo, polo que dirixiría O Hobbit para dese xeito deixar de lle reclamar nada á new Line.

    Jackson e Walsh engadiron: "Dado que a New Line embarcouse neste curso de acontecementos, sentimos que vos debiamos a vós, os fans, un relato directo dos sucesos que nos levaron até aquí... Este resultado non é o que adiantamos nin o que desexabamos, pero ningún dos dous ve ren positivo no amargos nin no rencor. Non temos elección agás abandoar a ideia do filme do Hobbit e facer outros proxectos". Eses proxectos inclúen unha nova versión da novela sobrenatural de Alice Sebold The Lovely Bones.

    Nombergantes, un día despois, a Metro Goldwyn Mayer confirmou que o asunto está lonxe de estar pechado. A MGM, que posúe os dereitos de distribución sobre O Hobbit, dixo o pasado día 20 que este asunto está lonxe de estar pechado, sen engadir máis pistas.

    Get Smart ao cinema

    [23:46 23/11/2006] A Warner Brothers está próxima a pechar o acordo con Anne Hathaway, para que xunto a Steve Carell protagonicen unha versión cinematográfica da popular série cómica dos anos 60 Get Smart, sobre un axente secreto algo zoupón que era "cuspidiño" a 007. Peter Segal será o director, e a rodaxe escomezará en marzo coa financiación de Village Roadshow.

    Hathaway, que protagonizou o éxito deste verán O demo viste de Prada e Brokeback Mountain, interpretará o papel que orixinalmente fixo na pequena pantalla a actriz Barbara Feldon, mentres que Carell interpretará o papel do axente Smart, que era de Don Adams.

    Get Smart (unha série que en España foi traducida coma "El súper Agente 86") será producida por Andrew Lazar (da Mad Chance) e Charles Roven e Alex Gartner (do Mosaic Media Group). Tom Astle e Matt Ember escribiron a versión máis recente do guión para este filme.

    Premio Euskadi para unha novela de xénero

    [23:45 23/11/2006] O escritor e historiador Iban Zaldua (Donosti, 1966) foi galardoado co Prémio Euskadi de Literatura en Euskera por Etorkizuna ("Futuro"), un libro de relatos que aborda con ironía e escepticismo o complexo mundo das relacións humanas. O prémio supón un apoio a un xénero que, ainda que en euskera "non está tan afastado", si adoita "ver-se máis marxinado noutras literaturas maiores", segundo Zaldua.

    O fallo foi dado a coñecer esta semana en Donosti nun acto presidido polo viceconselleiro de Cultura, Gurutz Larrañaga, no que participaron os premiados. "Iban Zaldua volveu acertar con este xénero", dixo María José Olaziregi, vogal do xurado, ao xustificar a sua decisión. En Etorkizuna, onde o autor narra unha série de histórias relacionadas a través do tempo, "ofrece un diagnóstico irónico e escéptico das relacións humanas. Tira proveito literário da brevidade", sentenciou. "O autor acertou ademáis no emprego de diferentes rexistros, coma a ciéncia-ficción ou o ensaio".

    Zaldua, actualmente profesor de História da Economía na Faculdade de Filoloxía, Xeografía e História da UPV, escribiu ensaios e novelas, pero o seu é o conto. Primeiro coqueteou con este xénero en español na década dos oitenta. Xa nos noventa pasou-se ao euskera con éxito.

    Novo remake para A Cousa

    [0:35 18/11/2006] A Strike Entertainment e mais a Universal Pictures farán un remake do clásico do terror de ciéncia-ficción de John Carpenter A Cousa, co produtor executivo de Battlestar Galactica Ronald D. Moore escribindo o guión. O filme orixinal, de 1982, ía sobre unha creatura doutro planeta que aterrorizaba aos científicos dunha estación de investigacion na Antártida. Aquel filme xa era de por si un remake doutro clásico de 1951 A Cousa doutro Mundo, que á súa vez era unha adaptación dun conto de 1938 titulado Who Goes There?, do lendário escritor de ciéncia-ficción John W. Campbell Jr.

    Os parceiros da Strike Marc Abraham e Eric Newman producirán, e a compañia cofinanzará o remake, do que a Universal posúe os dereitos. David Foster, produtor do filme de 1982, será o produtor executivo agora.

    Os produtores din que consideran que o novo filme será máis unha "peza de acompañamento" do orixinal de Carpenter máis ca un remake dun remake.

  • [22:55 16/11/2006] O escritor Dan Brown xa pode respirar un pouco millor, porque o Tribunal Supremo dos Estados Unidos ven de rexeitar a apelación que Lewis Perdue, outro escritor, realizara contra unha sentenza após do xuizo no que lle acusaba de pláxio pola súa famosa novela O Código da Vinci. O Tribunal nin tan sequera considerou aceptar a trámite a apelación. Perdue quería unha indemnización de 150 millóns de dólares e insitía en que o seu libro de 2000 Daughter Of God é a base do best-seller de Brown. Até o de agora, nin ún só tribunal no mundo aceptou ningunha demanda contra o escritor de O Código da Vinci.

  • [22:55 16/11/2006] O director e guionista Darren Aronofsky dixo nunha recente entrevista que ainda mantén o proxecto de desenvolver un filme baseado na novela de culto de Theodore Roszak Flicker, sobre un estudante de cinema que descubre que unha película de série "B" contén mensaxes subliminais que son parte dun complot para erradicar a vida na Terra. Aronofsky escribiu o guión xunto a Jim Uhls (O Clube da loita).

  • [22:55 16/11/2006] Dominic Purcell, o actor que deu vida a Dracula en Blade: Trinity, adicará-se agora a cazar vampiros xunto a Jesse Metcalfe na vindeira Town Creek, un filme de terror que Joel Schumacher dirixirá para a Gold Circle. Purcell e Metcalfe serán un par de irmáns nunha misión de vinganza que se ven envoltos nun diabólico plan que inclúe aos nazis e ao Terceiro Reich.

  • [22:54 16/11/2006] A protagonista de Terminator 3, Kristanna Loken, deixou caer que está a manter unha relación coa protagonista de Perdidos Michelle Rodriguez. Loken foi entrevistada por unha revista gai, e cando lle preguntaron se Rodriguez é a súa moza, só dixo Uh-huh sorrindo. Ambas foron fotografadas xuntas e abrazadas en Los Angeles.

  • [22:54 16/11/2006] O novo James Bond, Daniel Craig, non vai ter case a oportunidade de abraiar á audiéncia amosando o seu torso espido e un apretado bañador en Casino Royale, porque os seus xefes non teñen intención de que Craig repita a escena que fixo famosa a Ursula Andress en 1962 no filme 007 contra o Dr. Non. Ainda que hai unha escena moi semellante no novo filme, seica din que é "puramente unha coincidenza".

  • [22:54 16/11/2006] Abriu-se o prazo de apresentación de orixinais para a decimosexta edición do prémio Pablo Rido de relato fantástico, que organiza a Tertulia Madrileña de Literatura Fantástica. O Pablo Rido é un certame totalmente independente e no está vencellado a ningún interese editorial. Os xurados son elixidos entre especialistas, profesionais e afeccionados do xénero e, para recalcar a absoluta independéncia do prémio, a sua dotación económica procede das aportacións voluntárias de afeccionados, na sua maioría dos asistentes ás reunións da TerMa.

  • [22:54 16/11/2006] Onte coñeceu-se o fallo do Prémio Literário Alberte Magno de Ciéncia-Ficción, o decano dos certames adicados a este xénero en España, con xa 18 edicións. Ademáis, é ún dos millor dotados, cun prémio de 3.500 euros que nesta ocasión levou-se o vitoriano Santiago García Albás, de 33 anos, co relato Unha longa descendéncia.

  • [23:14 09/11/2006] Por se non fose pouco para George W. Bush, após de perder as eleccións, agora acúsano de ter a culpa do adiamento da cuerta entrega da saga de Mad max. Alomenos iso é o que coida o creador da saga, o director George Miller, quen dixo nunha entrevista que estaba xa todo preparado para comezar a rodaxe da popular épica futurista no deserto de Iraq cando Bush ordeou a invasión daquel país, o que lles fixo perder unha cyuarta parte do orzamento. Miller engadiu que anceia facer esa cuarta parte, mesmo ainda que o actor orixinal, Mel Gibson, non participe na mesma.

  • [23:14 09/11/2006] Lena Headey (Imagine Me & You) ven de aterrar no papel protagonista do episódio piloto para a nova série da Fox The Sarah Connor Chronicles, baseada na mitoloxía dos filmes de Terminator. Neste proxecto da Warner Brothers TV, Headey interpretará a Sarah Connor, quen con seu fillo John, loitará contra os atacantes do futuro na Los Angeles do presente.

  • [23:14 09/11/2006] Lindsay Lohan protagonizará o thriller sobrenatural I Know Who Killed Me. Chris Sivertson dirixirá un guión de Jeff Hammond. Lohan interpretará a Aubrey Jordan, quen é secuestrada e torturada por un asasino en série. Após de ser rescatada, afirma ser unha persoa distinta e tentará convencer a todo o mundo de que Aubrey aínda está en perigo.

  • [23:14 09/11/2006] Os produtores Roger Corman e John Davison farán Space 3001, un filme de acción de ciéncia-ficción cun orzamento de 20 millóns de dólares e coa subvención do governo de Irlanda. O acordo, anunciado no American Film Market, verá como Corman e Davison finanzan a produción a través das súas repsetivas compañías, e co apoio da Merlin Film Fund de Kieran Corrigan.

  • [23:14 09/11/2006] O actor Tom Cruise e mais os executivos da Metro-Goldwyn-Mayer Studios Inc van a resucitar á United Artists, os estudos de cinema fundados hai máis de 80 anos por antigas lendas do cinema coma Charlie Chaplin e Mary Pickford. Os executivos da MGM anunciaron os novos plans nos que entra Cruise protagonizando e producindo filmes para os estudos. A sócia de produción de Cruise, Paula Wagner, servirá como executivo xefe da nova empresa. Segundo a MGM, Cruise e Wagner decidirán que filmes se van producir e lles darán luz verde ou non. O xefe da Paramount Pictures, Sumner Redstone, despedira a Cruise hai uns meses acusándoo de facer o ridículo nos programas de televisión e avergoñando aos estudos mentres facía unha xira para anunciar a estrea de Misión Imposíbel III.

    Zaentz quere a Jackson para o Hobbit

    [0:49 01/12/2006] En toda a liorta armada ao redor da versión parao cinema de O Hobbit, o único que até agora non falara fora Saul Zaentz, o millonário produtor de filmes coma Amadeus ou O paciente inglés, que posúe os dereitos sobre as obras de J.R.R. Tolkien, e que ven de se amosar coma un auténtico entusiasta do traballo do director Peter Jackson.

    "Será rodada definitivamente por Peter Jackson... o ano que ven os dereitos sobre O Hobbit volverán á miña compañía. Supoño que Peter agardará ese tempo para poder facer o millor contrato posíbel connosco", dixo Zaentz nunha entrevista concedida ao website alemán Elbenwald.de.

    O asunto nestes intres está paralisado porque a New Line Cinema lle debe moitos cartos a Jackson, por mor de dereitos sobre a triloxía do Señor dos Aneis. Jackson quere dirixir alomenos unha das dúas precuelas que se pretenden facer sobre O Hobbit, pero non-o fará até que os asuntos dos cartos estean resoltos. Tanto os fans coma a MGM, os estudos que posúen os dereitos sobre a distribución dos filmes, tamén queren que jackson se poña ao cargo.

    Só a New Line, quen polo de agora ten os dereitos para producir estes filmes, é reácia a deixar que Jackson se encargue das precuelas, porque iso lles obrigaría a aboar unha manchea de cartos ao famoso director novacelandés.

    Pola súa banda, Elijah Wood (Frodo) comentou ao "Chicago Sun Times" que ainda non falara con Jackson persoalmente, pero que se sentía moi apenado por como se desenvolveron os acontecementos: "Peter traballou durante 10 anos para sacar adiante ese mundo. Agora se prepara un proxecto novo con outro director e xa non será o mesmo". E Sir Ian McKellen declarou na sua web estar moi triste pola nova, e comentou que "sería agradábel volver á Terra Média con Peter como líder do equipo. É difícil imaxinar a outro director que iguale os seus logros no mundo de Tolkien".

    A secuela do Código da Vinci

    [0:49 01/12/2006] A secuela do superéxito O Código da Vinci podería estar a preparar-se. O guionista Akiva Goldsman, que xa adaptou a novela de Dan Brown á pantalla grande, podería estar xa preparando o boceto da segunda, por un prezo de 3,8 millóns de dólares. Nombergantes, seica esta secuela non será unha história orixinal, senón que estará baseada na outra novela de Dan Brown, Anxos e demos, o libro que precede ao Código da Vinci. Fontes ben informadas din que o argumento, que vai sobre o criptólogo Robert Langdon, interpretado por Tom Hanks, e que axuda a unha muller a descubrir os vencellos entre a morte de seu pai e as conspiracións dunha sociedade secreta, sería alterado para que poida ser unha continuación do primeiro filme. Agárda-se que esta secuela apareza en 2008.

    O único certo polo de agora é que dende o grupo neonazi "Hazteoír" din que a Sony está "maldita" por non querer suavizar a "carga anticristiana" da película de O Código da Vinci. Se cadra, o próximo que lle espera á multinacional xaponesa será unha praga de langostas...

    Superman II voa de novo

    [0:49 01/12/2006] Michael Thau, o editor que axudou ao director Richard Donner a refacer a súa versión de Superman II, dixo nunha recente entrevista que a cindeira aparición en DVD desta versión incorporará material nunca visto até agora, escenas que Donner rodou pero que foron mudadas na versión que todos puidemos ver nos cinemas, e que entre elas hai imaxes de Marlon Brandon interpretando a Jor-El. Superman II: A versión de Richard Donner tamén elimina a infame escena do "bico da amnésia" no final da película: "esta película ten un final moito máis romántico, e é moito máis dramática", comentou Thau.

    Donner, que dirixiu o filme de 1978 Superman, nunca completou a secuela (mesmo ainda que ambos filmes foran rodados case ao mesmo tempo) por mor de diferéncias creativas cos produtores da segunda entrega da saga do Home de Aceiro, Alexander e Ilya Salkind. O director Richard Lester rematou o traballo comezado por Donner e conseguiu que o seu nome aparecera nos títulos de crédito deste filme de 1981.

    Pero a Warner Brothers deu a luz verde hai uns meses para refacer a obra orixinal de Donner, e Thau chegou para lle axudar a restaurala. O proxecto de edición durou nove meses e Thau dixo que foi difícil atopar negativos almacenados axeitadamente: "Estudamos coidadosamente todas as notas da rodaxe orixinal", dixo. "o que foi unha sorpresa é que Donner rodara un anaco da súa versión da batalla sobre Metrópole" [entre Superman e os tres falcatruáns da Zona Pantasma]".

    Thau engadiu: "Supoño que é material vello. Pero a min seméllame novo. A versión de Lester contiña un 35% de escenas de Donner. Esta nova versión ten un 80% de Richard Donner".

    E sobre a escena na que Superman lle borra a memória a Lois Lane cun bico ao remate da película, Thau puxo as cousas ao revés: ese efecto, que estaba previsto para Superman II, foi parar á primeira película. Thau dixo que Donner e o guionista Tom Mankiewicz tiñan medo de que a primeira película non tivera éxito, polo que optaron por poñer nela os millores efectos especiais no canto de se arriscar con deixalas para unha secuela que se cadra nunca se faría.

    Os Pitufos ao cinema

    [0:48 01/12/2006] O produtor Jordan Kerner ven de anunciar nunha recente entrevista que o seu vindeiro filme sobre os Pitufos será con gráficos xerados por computador, en 3D. "Non podes facer que eses tíos estean vivos. Sería un chisco raro, pero un mundo en 3D ao xeito de Shrek, iso é fantástico".

    Kerner dixo que estivo a lle dar un repaso á versión da série de televisión dos anos 80: "Mireime todos os 234 episódios da série moitas veces, Herb Ratner e mais eu traballamos moi duro atopando os ócos nos episódios. Xa sabes, coma cando aparece de súpeto esa outra muller, e non falo da Pitufiña, e o que fixemos é axuntar eses buratos nunha triloxía de tres películas, e revelaremos as cousas a medida que acontezan".

    Kerner revelou que lle custou cinco anos obter os dereitos sobre a popular franquía: "Non estaban moi seguros sobre que tipo de história queriamos narrar — e nós non llo queriamos dicir até non ter os dereitos. Así que gañamos os dereitos sobre a base de que eles poderían vetar calquera cousa que nós fixeramos. Pero lles encantou. E digo encantou e non só que lles gustou, e nos dixeron que Peyo [o creador dos Pitufos] encantaría-lle a ideia, iso é para nós unha grande benzón".

    Entre outras cousas, a triloxía examinará o trasfondo da história de Gargamel. A audiéncia saberá máis cousas sobre Gargamel e mais a soupa de Pitufos, como comezou todo e que é o que acontce de verdade nese castelo.

    Outro remake: Poltergeist

    [0:48 01/12/2006] Corre o sério rumor pola Rede que di que a proxectada secuela de IPoltergeist: (que ía titular-se Poltergeist: Kayeri) foi abandoado en favor dun auténtico remake do filme orixinal de 1982. Unha fonte consultada por NOVA comentou que "veño de recebir a confirmación oficial de que a ideia orixinal de Kayeri non será utilizada para o remake. No seu lugar, o novo filme será un remake directo da priemira entrega da triloxía. Se cadra, cuspidiño imaxe a imaxe. Xustiño coma 'As cuíñas teñen ollos'".

    Seica o guionista Clint Morris, quen escribiu o guión de Poltergeist: Kayeri, non estará implicado neste novo proxecto, o mesmo cós actores orixinais da saga, Craig T. Nelson, JoBeth Williams e a anana Zelda Rubinstein.

    A triloxía orixinal de Poltergeist, producida por Steven Spielberg e dirixida por Tobe Hooper, centrába-se nunha família que se mudaba a unha casa nunha urbanización construida sobre un antigo cemitério índio e que estaba enmeigada por espítitos pouco amigábeis. O filme orixinal tivo dúas secuelas e mesmo unha série de televisión, que foi emitida dende 1996 a 1999.

    Os asustanenos de España

    [0:48 01/12/2006] O "coco" e outros monstros e ogros que atemorizaron durante séculos aos nenos españois coma o home do saco, o lobishome, o destripador ou o sacauntos veñen de se desempolvren e agora axexan a capital de Euskadi, Vitoria, nunha exposición que pretende revivir ese mundo mítico infantil. Co título O Coco & Cía, a mostra que se abriu ao público o mércores e até o próximo 10 de xaneiro na Casa do Cordón, situada no casco vello de Vitoria, fai un percorrido polos "asustanenos" de todas as comunidades españolas, Portugal e Andorra.

    Unha das salas adíca-se aos "asustanenos" reais coma o Lobishome de Allariz, o ourensano autor de nove asasinatos, o home do saco, un bruxo que secuestrou e asasinou en 1910 a un neno de 7 anos, al que extraiu o seu sangue e graxas para curar a tise de vários clientes.

    Tamén nesta sala nárra-se a história da Vampira de Barcelona, dama de noite e mendiga de día, acusada e condeada polo secuestro e asasinato de vários nenos, dos cales elaboraba pócimas, e que morreu linchada no cárcere.

    Igualmente hai un espazo para as figuras irreais, coma o "Coco", o asustanenos más popular; o home do saco; o sacauntos (un criminal que destripa ás suas vítimas); o Totón (un sinistro personaxe de Aragón que ronda de noite os cemitérios), ou o Papón (un "engulenenos" que en Astúrias adopta a figura dun ogro enorme con ollos de lume).

    Habilitou-se un espazo cun libro de grande tamaño onde figuran todos os asustanenos que se recopilado polas comunidades autónomas do Estado.

  • [23:52 23/11/2006] Os xefazos dos estudos na Sony Pictures están alporizados porque o tráiler que se distribuiu na Internet do filme Spiderman 3 é unha escolma de anacos sen rematar e non ten ren que ver coa realidade. A promoción do vindeiro filme de Sam Raimi amosa escenas do filme e leva unha marca de auga de "The Ant Farm", unha coñecida empresa distribuidora de tráilers, pero a recentemente distribuida non é o tráiler oficial nin o seleccionado pola Sony, senón o froito dun roubo de imaxes nos estudos. Os copresidentes de The Ant Farm, Mike Greenfeld e Barbara Glazer, insisten en que a fuga non procede da súa compañía. Glazer afirma que os grupos de investigación no mercado, as compañías de dobraxe, o director e mesmo os estudos Sony poderían ser os responsábeis. E engadiu que "Hay fallos básicas dentro do sistema que fan imposíbel garantir a seguranza. Se non-os evalúas, tes moitas máis posibilidades de manter un remolque seguro".

  • [23:51 23/11/2006] Casino Royale abriu o pasado 16 de novembro en Inglaterra e rachou todos os récnord de billeteira para un filme de 007, obtendo 1,7 millóns de libras (uns 2,5 millóns de euros) no seu día de estrea, un 54% máis cá súa predecesora nesta franquía, o filme de 2002 Morre outro día.

  • [23:51 23/11/2006] O Prémio Minotauro, Prémio Internacional de Ciéncia-Ficción e Literatura Fantástica, convocado por Ediciones Minotauro e Cafés Marcilla e que pechou a sua cuarta convocatória o pasado 3 de novembro, recibiu un total de 148 manuscritos. O alcance xeográfico do prémio inclúe sobre todo obras procedentes de España e Latinoamérica. O xurado desta cuarta edición estará composto por Fernando Delgado, Ángela Vallvey, Pere Matesanz, Olga Rubio, Juan Eslava Galán, Laura Falcó, Javier Negrete, gañador da terceira edición, e Francisco García Lorenzana. O fallo terá lugar en Madrid o 14 de febreiro de 2007 e a dotación económica é de 18.000 euros.

  • [23:51 23/11/2006] Seica ún dos protagonistas de Perdidos, Josh Holloway, foi contratado para interpretar a Gambito na vindeira película de X-Men. Holloway, que interpreta a Sawyer na série de TV, ía interpretar ao famoso mutante na anterior entrega da saga da Patrulla X, pero finalmente non puido entrar no reparto por mor da súa axenda. Agora, cando na cuarta película xa van abandoando boa parte dos actores que conformaron o reparto orixinal, incluindo a Hugh Jackman (Lobeto), Sir Ian McKellen (Magneto) e Halle Berry (Trebón), será a oportunidade de Holloway.

  • [23:51 23/11/2006] A revista "TV Guide" informou que o veterán actor de Star Trek George Takei será o pai do trekkie Hiro na série da NBC sobre superheroes Heroes. Takei, que facía do Sr. Sulu na série orixinal de Star Trek, interpretará agora ao pai dun dos superheroes protagonistas da nova série.

  • [23:51 23/11/2006] A New Line Cinema ven de pechar o acordo para se facer cos dereitos da série de fantasía de Michael Scott The Immortal Nicholas Flamel, que producirá Mark Burnett. Agárda-se que de aquí saia unha nova saga de até seis películas. Burnett, produtor de "realities" de televisión coma Supervivintes ou O Aprendiz, usou cartos de seu para se facer cos dereitos desta nova franquía. The Alchemyst será a primeira película da série, baseada na novela homónima que aparecerá publicada nos Estados Unidos en maio.

  • [23:51 23/11/2006] O SCI FI Channel ven de dar a luz verde a Tin Man, unha versión salvaxe de O meigo de Oz, en forma de minisérie de 6 horas de duración. Tin Man (título provisório) comezará a se rodar en Vancouver, Canadá, a primeiros de 2007, para ser estreada a finais dese mesmo ano. A minisérie descríbe-se coma unha versión psicodélica e estraña do Meigo de Oz, centrada en DG, unha rapaza extraída dunha vida humilde e enviada á "Outer Zone" (a O.Z.).

  • [23:51 23/11/2006] Darren Aronofsky, guionista e director do filme de ciéncia-ficción épica The Fountain, dixo que tivo que rodar novas escenas para o filme após de que este debutará con mal pé na Comic-Con Internacional en San Diego en xullo. A película, que obtivo unhas pésimas críticas alí por onde pasou, precisou de novas escenas para evitar o desastre total.

  • [0:37 18/11/2006] Após dun longo percorrido por festivais de cinema de todo o mundo (que a levou, entre outros, polo Ateneo Ferrolán en 2005 e ainda a levará polo Montevideo Fantástico - Segundo Festival de Cinema Fantástico en Uruguai, en marzo de 2007) e dous anos despóis da súa produción, o filme FAQ ven de acadar un distribuidor grazas a SRS Cinema LLC. de New York. A película ultra-independente dixital de ciéncia-ficción distópica escrita e dirixida por Carlos Atanes xa está á venda en formato DVD, en versión orixinal en francés con subtítulos en inglés e español.

  • [22:55 16/11/2006] Chris Palmer será o director de A Spell for Chameleon, un filme fantástico da Warner Brothers, con Wolfgang Petersen na produción a través do seu selo Radiant Productions xunto con David Benioff. Chameleon está baseada nunha novela de Piers Anthony que se fixo moi popular en pouco tempo e na súa série de Xanth, o reino onde está ambientada a história, onde todo o mundo dispón de poderes máxicos. O filme céntra-se nun home que foi exiliado por non ter eses poderes e que regresará para se converter no único posíbel salvador do reino.

  • [22:55 16/11/2006] O protagonista de Spiderman, Tobey Maguire, e a súa moza Jennifer Meyer veñen de anunciar o nacemento do primeiro fillo da parella. A nova nai, de 31 anos, é a filla do executivo da Universal Studios Ron Meyer, e deu a luz no Cedars Sinai Medical Center en Los Angeles o sábado pasado. A parella comezou a sair a princípios de 2003 e comprometeu-se a primeiros deste ano. Maguire será o protagonista de The Good German o ano que ven xunto a George Clooney e Cate Blanchett, e o ano seguinte na secuela Spiderman 3 con Kirsten Dunst e Topher Grace.

  • [22:55 16/11/2006] Os produtores de James Bond Michael G. Wilson e Barbara Broccoli ameazaron con deixar de rodar as sucesivas películas da franquía do superespía en território inglés, por ser caro de máis. Wilson acusou ao Concello de Londres de lles impoñer unhas taxas moi altas e condeou ao governo inglés por non facer ren ao respeito. O Consello Cinematográfico do Reino Unido insiste en que han atopar unha solución para que o axente 007 fique no seu país natal.

    Os maias non aturan o Apocalypto

    [3:50 09/12/2006] Apocalypto, a última película dirixida por Mel Gibson, vai camiño de se converter en centro de polémicas, como xa o fixera o seu anterior título, A paixón de Cristo. Nesta ocasión son os representantes da cultura maia, cuxa história relata o filme, os que tachan ao director de racista ao considerar que a película retrátaos coma salvaxes.

    Activistas de Guatemala, antigo asentamento de grande parte do império Maia que hai séculos ergueu a sua civilización ao redor da zona sur de México e o norde de América Central, non dubidaron á hora de tachar de racista ao último filme ainda sen estrear de Gibson.

    Un par de trailers de Apocalypto, que chegará ás salas americanas o 8 de decembro, é o único material da película que se exhibiu ata o momento en Guatemala. Algo máis que abondo para as autoridades do país, que viron nas imaxes, que amosan a temibeis maias con ósos que lles atravesan a piel e rostros marcados por cicatrices portando lanzas e realizando sacrifizos humáns, a exaltación dun prototipo non demasiado amábel da sua cultura.

    "Gibson reproduce, en glorioso Technicolor e con alto orzamento, a ofensiva ee racista noción de que os maias eran violentos entre si moito antes da chegada dos europeos e por elo merecían ser rescatados", sinalou Ignacio Ochoa, director da Fundación Nahual, promotora da cultura maia, que se veu abaixo despóis do siglo VIII por mor do que os historiadores coidan puido ser a sobreutilización de recursos naturais.

    Ainda que se coida que a cultura maia non se equiparou á azteca no que a derramamentos de sangue se refire, algúns arqueólogos si sosteñen que os sacrifizos humáns foron comúns nos últimos anos da civilización, prévios á conquista española.

    Lucio Yaxon, un xove activista maia polos dereitos humáns considera as imaxes dos primeiros trailers de Apocalypto pouco realistas: "Básicamente o director está a dicir que os maias son salvaxes".

    Pola sua banda, o arqueólogo Richard Hansen, a quen Gibson recurriu durante a rodaxe do filme como consultor, defende ao director no seu empeño por asegurar a autenticidade e precisión histórica da película, na que todos os diálogos se escribiron e interpretaron no antigo idioma maia e cuxo reparto o integra ao completo un elenco de intérpretes indíxenas.

    "Acóugame un pouco cómo os própios maias van percibir a película", afimou Hansen, que na actualidade dirixe un proxecto arqueolóxico no Mirador Basin ao norde de Guatemala. "Gibson – concluiu o arqueólogo – está intentando facer un alegato social".

    Outra obra de Stephen King adaptada

    [3:51 09/12/2006] Durante o verán de 2008 emitirá-se na televisión americana unha adaptación de 6 horas en forma de minisérie do thriller sobrenatural O Talismán, o coñecido libro escrito por Stephen King e Peter Straub. A obra estará producida por Steven Spielberg, Kathleen Kennedy, DreamWorks e a canle TNT.

    Spielberg, que produciu Into the West para a TNT, estará acompañado da súa parceira habitual, Kathleen Kennedy, quen será a produtora executiva, así como por Ehren Kruger (Skeleton Key, The Ring), quen adaptará a novela de terror da parella King/Straub. Darryl Frank, a cabeza visíbel da DreamWorks Television, será o coprodutor executivo xunto con Justin Falvey.

    O Talisman, publicada en 1984, marcou a primeira colaboración entre King e Straub. Narra a história de Jack Sawyer, un rapaz que se embarca nunha aventura a cabalo entre o noso mundo e outro paralelo de fantasía ("Os Territórios") na procura dun talismán que podería salvar a vida da súa nai e ao mesmo tempo á da raíña dos Territórios.

    Deadman e Del Toro

    [3:51 09/12/2006] A Warner Brothers ven de contratar os servizos do guionista Gary Dauberman para que traballe co director e produtor Guillermo del Toro no guión da adaptación á pantalla grande de Deadman, o persoaxe da DC Comics.

    O filme podería ser ún dos que gosta de dirixir o mexicano del Toro (O labirinto de Pan), quen podería asemade producir xunto a Don Murphy, da Angry Films, e a parceira de Murphy, Susan Montford.

    Deadman é a pantasma dun acróbata de circo asasinado, quen ten o poder de posuir os corpos dos vivos para así procurar ao seu asasino, e de paso axudar aos inocentes.

    Dauberman impresionara aos produtores de Deadman cun esbozo de guión que escribira para un western de zombies.

    O tren de medianoite

    [3:51 09/12/2006] O antigo membro do elenco de Alias Bradley Cooper será o protagonista de Midnight Train, un filme baseado nun conto de Clive Barker sobre violéncia e destrución no metro de New York.

    Lakeshore e Lionsgate producirán a película, para a que comenzará a rodaxe este mesmo inverno.

    Midnight Train está baseado no conto de Barker Midnight Meat Train, publicado dentro da súa escolma de relatos de terror Books of Blood. Vai sobre un fotógrafo á procura dun asasino en série que opera no metro da cidade de New York. O coñecido director asiático de filmes do xénero Ryuhei Kitamura será o encargado deste filme, sustituindo a Patrick Tatopoulos, quen caiuse do proxecto.

    Nominacións para o cinema animado

    [3:50 09/12/2006] A DreamWorks Animation SKG lidera o grupo de nominados deste ano aos prémios Annie, que se outorgan aos millores traballos no cinema, a televisión e o vídeo doméstico no eido da animación, con 17 candidaturas en tan só dúas películas, Flushed Away (Ratópole) e Over the Hedge (Veciños Invasores).

    O filme da Disney-Pixar Cars empatou con Ratópole no primeiro posto dos máis nominados, con 9 candidaturas, segundo o anúncio que fixo esta semana a International Animated Film Society.

    A asociación presentará aos gañadores nunha gala que terá lugar o vindeiro 11 de febreiro de 2007 en Glendale, Califórnia, na que suporá a súa 34ª edición.

    Ratópole, unha coprodución coa British filmmakers Aardman Animation, recebiu nove nominacións, incluindo millor dirección, guión e actuación de voces (entre elas está a de Sir Ian McKellen, quen deu un toque shakespeariano ao malvado persoaxe de Sapo).

    Over the Hedge, a versión animada dunha popular tira cómica nos Estados Unidos, acadou oito nominacións, incluindo as de millor película e actuación de voces, con Wanda Sykes, no papel de Stella.

    As nominacións para Cars, da Pixar Animation Studios e a Walt Disney Co., incluiron as de millor película, millor director (John Lasseter, tamén director de Toy Story) e millor banda sonora, pola obra do compositor Randy Newman.

    Outros nominados para estes prémios foron Happy Feet, Monster House e Open Season (Amigos salvaxes).

  • [0:52 01/12/2006] O director Alfonso Cuarón dixo que o seu filme, o futurista Fillos dos Homes, é parte dunha triloxía que inclúe Babel e O Labirinto de Pan, que foron dirixidos polos seus compatriotas mexicanos Alejandro Gonzalez Iñárritu e Guillermo del Toro.

  • [0:52 01/12/2006] O xurado do prémio Domingo Santos, convocado pola Asociación Española de Fantasía, Ciéncia-Ficción e Terror, vend e determinar que los finalistas son Pasión gitana, El laberinto de Kernov, El regalo de boda, Los vampiros del mar, La primera pregunta, Gloria del padre, Diferencias de familia e El vendedor de libros. O gañador será dado a coñecer na terceira semana de decembro.

    O Capitán Trueno dá o chimpo á pantalla grande

    [3:51 09/12/2006] A produtora valenciana Maltés Producciones ven de adquirir os dereitos para levar ao cinema unha película sobre o Capitán Trueno, o senlleiro persoaxe do cómic español, e cuxo título provisional será As aventuras do Capitán Trueno. O acordo asinou-se entre Pau Vergara, por parte de Maltés Producciones, e Víctor Mora, autor e posuidor dos dereitos sobre os persoaxes do cómic, quen supervisará o guión da película.

    As negociacións entre ambas partes comezaran antes do pasado verán e, após de catro meses de contactos, o acordo acadado asinou-se ao cabo. Segundo fontes da produtora, Armonía Rodríguez, muller de Víctor Mora, comunicou-lles que o autor non quería negociar os dereitos cunha multinacional: "Queríamos que o proxecto o desenvolvera un xove produtor e director con ganas e ilusión. Sabemos que o vai facer moi ben", dixo Rodríguez.

    Pau Vergara afirmou que o seu sono sempre fora levar ao cinema a un persoaxe coma o do Capitán Trueno, que ven de cumprir os 50 anos: "É un cómic que pasou de xeración en xeración. O meu pai líao, e eu comecei a o facer mentres almorzaba na casa da miña avoa", comentou.

    Alén do factor emocional, para Maltés Producciones este proxecto supón o chimpo á ficción desta productora até agora especializada en cinema documental de grande formato.

    "Esperamos estar á altura das circunstáncias. Sabemos que a expectación dos fans, lectores e público é máxima", engadiu Vergara, quen dixo que a película será unha superprodución dirixida ao mercado internacional. Respecto ao actor que interpretará a Trueno, a produtora non deu detalles. "Estará á altura do cómic e do persoaxe", limitou-se a informar.

  • [0:52 01/12/2006] O filme de Guillermo del Toro O Labirinto de Pan foi nominado para dous prémios Independent Spirit Awards, nas categorías de millor filme e millor realización. Os prémios de 2007 serán dados a coñecer o 24 de febreiro en Santa Monica, Califórnia, un día antes dos Oscars.

    Adeus ao xovenciño Frankenstein

    [0:44 15/12/2006] Peter Boyle, o veterán actor que interpretou a un monstro que bailaba claqué en O xovenciño Frankenstein, ven de morrer aos 71 anos de idade. Boyle finou o pasado 12 de decembro no hospital presbiteriano de New York, após de sofrir de mieloma múltiple e fallos cardíacos.

    Boyle, que ao longo da súa carreira gañou sona interpretando a tipos duros, rachou con ese molde en O xovenciño Frankenstein, a paródia dos filmes de terror que fixo Mel Brooks en 1974. O intre máis relembrado da película chegaba cando Gene Wilder, interpretando ao científico tolo Frederick Frankenstein, presentaba ao seu monstro perante unha audiéncia, e Boyle, vestido cun frac, interpretaba bailando a peza clásica de Irving Berlin Puttin' On the Ritz.

    Boyle coñeceu á súa esposa, Loraine Alterman, no plató de rodaxe de O xovenciño Frankenstein, cando ela era unha xornalista da revista "Rolling Stone" e Boyle, ainda disfrazado coa maquillaxe do monstro, pediu-lle para sair.

    Boyle gañou un Emmy en 1996 polo seu papel de actor convidado en "O repouso final de Clyde Bruckman", un episódio de Expediente X.

    Ún dos seus papeis finais foi en 2004, cando interpretou ao vello Wickles en Scooby Doo 2.

    Damon, candidato a ser Kirk

    [0:43 15/12/2006] Matt Damon confesou nunha recente entrevista que está disposto a asumir o papel do capitán James T. Kirk na proposta undécima película da saga de Star Trek, pero negou os rumores de que xa estea contratado para facer o cobizado papel que foi interpretado orixinalmente por William Shatner. "Se o guión fose bó, faríao", dixo Damon mentres promocionaba o seu último filme, The Good Shepherd. "Pero sí, teño oido o rumor. Coido que J.J. Abrams ou alguén dixo iso nunha rolda de prensa ou algo así, e [os fans de Star Trek e os médios de comunicación] tomárono en sério".

    Se Damon obtivese o posto de Kirk, convertería-se no primeiro actor que interpreta ao persoaxe dende que Shatner fixérao na série orixinal dos anos 60 e nas subseguintes secuelas no cinema.

    Abrams, o co-creador da série de TV Perdidos, é o nome que máis soa para escribir o guión e producir a nova película da série, Trek XI e mesmo podería dirixila. Abrams dirixiu previamente Misión Imposíbel III.

    Hai moitos outros rumores ao redor deste proxecto. Abrams está a supervisalo todo, e xa confirmou que tivo conversas de cortesía con Shatner e Leonard Nimoy, quen interpretaba a Spock, pero á parte diso, non hai ren oficial sobre o argumento da película, o reparto ou outros detalles clave.

    Polo de agora, o último sobre esta saga é que J.J. Abrams confirmou que está a traballar nela e que ten a vista posta en 2008 para unha posíbel estrea.

    Damon é coñecido entre os fans polos seus papeis en Os irmáns Grimm e A identidade Bourne.

    Spielberg viaxa no tempo

    [0:43 15/12/2006] Steven Spielberg está a desenvolver unha série para a canle de televisión Fox ainda sen título pero que irá sobre viaxes no tempo. Este é só ún dos dous proxectos que realizará para a canle de Rupert Murdoch. Scott Gemmill escribirá o guión da série, un drama dunha hora de duración para a 20th Century Fox TV e a DreamWorks, a compañía de Spielberg encargada de facer proxectos para a TV. Os xefes da DreamWorks, Justin Falvey e Darryl Frank tamén serán os produtores executivos.

    O drama sobre viaxes no tempo terá un argumento romántico como centro e irá sobre dous xoves físicos americanos na Segunda Guerra mundial que descubren un xeito de viaxar ao futuro, polo que comezan unha série de viaxes entre 2007 e os anos 40 para axudar no esforzo da guerra, pero no proceso fican atrapados no continuum espazo-temporal. Durante as viaxes, ún dos físicos recruta a unha muller en 2007 para que lle axude a superar o shock cultural, pero ambos os dous namóran-se.

    Gemmill pasou moitos anos na série Urxéncias, que produce a Amblin Television, unha compañía de Spielberg, quen por certo reservou-se o dereito de engadir o seu nome como produtor executivo, pero non tomará unha decisión até non ver o resultado final.

    Raimi produce a Sombra

    [0:43 15/12/2006] O director de Spiderman, Sam Raimi, producirá unha nova versión para o cinema do clásico da rádio dos anos 30 A Sombra para a Columbia Pictures, que adquiriu os dereitos para a pantalla grande.

    Raimi e Josh Donen producirán o filme, baseado no serial radiofónico, a través da súa empresa Buckaroo Entertainment; Michael Uslan tamén producirá, mentres que a Columbia encargou a Siavash Farahani que escriba o guión.

    A Sombra debutou na rádio nos Estados Unidos na canle CBS en 1931. O persoaxe era realmente o alcume do patrocinador do programa, pero os radiointes esixiron que as histórias estivesen baseadas nese nome. Walter B. Gibson creou ao persoaxe, escribindo as histórias dun loitador contra o crime que se agochaba nas sombras levando un chapeo e mais unha capa que tiña o poder de escurecer a mente das persoas.

    A Sombra xa tivo anteriores versións no cinema, nos anos 30 e 40: un serial da Columbia protagonizado por Victor Jory e unha parella de séries nos primeiros anos da televisión. A reencarnación máis recente foi un filme de 1994 da Universal protagonizado por Alec Baldwin e dirixido por Russell Mulcahy; esa película non fixo moita recadación, estragando unha posíbel franquía.

    A película sobre a Sombra leva moito tempo rondando a cabeza de Raimi, e a súa influéncia pode ver-se no seu filme de 1990 Darkman. Nombergantes, Raimi non será o director esta vez.

  • [0:53 01/12/2006] Anna Faris (Scary Movie) foi contratada para protagonizar a vindeira comédia de ciéncia-ficción Frequently Asked Questions About Time Travel. O filme tamén estará protagonizado polos actores cómicos ingleses Chris O'Dowd, Marc Wootan e Dean Lennox Kelly. A película será dirixida polo veterán das tele inglesa Gareth Carrivick.

  • [0:53 01/12/2006] A empresa Biplano, axente para España e Portugal do xogo de mesa Monopoly, e Hasbro, a distribuidora do xogo, veñen de crear unha versión viguesa que foi presentada este xoves no Verbum. A partir de agora os vigueses poderán xogar na casa movendo ficha polas rúas e avenidas máis representativas da cidade, algo que en España só poden dicir en Madrid, Barcelona, Sevilla, Bilbao e Zaragoza.

  • [0:53 01/12/2006] A equipa de produción do filme de terror español A Hora Fría, a Eqlipse, anúncia o redeseño do sítio Web oficial desta película dirixida por Elio Quiroga. Na sección de vídeo veñen de poñer unha ligazón co terceiro tráiler, con material novo. Todo en www.lahorafria.com.

  • [0:53 01/12/2006] Por fin está á venda Os camiños invisibles, o título do segundo volume da serie "Os heresiarcas" que están a publicar os galegos Carlos Portela (ao guión) e Julio Das Pastoras (como deseñador) na editora francesa Humanoïdes Associés, o segundo tomo das aventuras de Agon e Beluch, na procura do alma da amada de Agon, Aldara.

  • [0:52 01/12/2006] O chileno José Baradit (con Trinidad) e mais o español Miguel Angel López Muñoz (O informe Cronocorp) foron os gañadores da edición deste ano do Prémio de Novela curta de Ciéncia-Ficción que organiza a Universitat Politècnica de Catalunya (UPC). O primeiro prémio está dotado con 6.000 euros e a publicación do libro. A mención oficial, premiada con 1.500 euros, foi para The end of the World, de Kristine K. Rusch.

    As montañas da loucura

    [0:15 22/12/2006] O guionista e director Guillermo del Toro desvelou nunha entrevista que lle gostaría facer unha versión fiel da clásica novela de terror de H.P. Lovecraft Nas montañas da loucura, e que este é ún dos seus proxectos pendentes para cando remate Hellboy 2 o ano que ven. "A mesma postura de Lovecraft sobre o universo é cuspidiña á de Albert Camus", dixo del Toro aos xornalistas o pasado 18 de decembro. "El é un existencialista. Di que o cosmos é indiferente ao home. No millor dos casos é indiferente. E míranos coma a pulgas ou é hostil a nós".

    Del Toro, director de Hellboy e Blade II, leva desenvolvendo unha versión do clásico lovecraftián dende 2003. A história de Del Toro, baseada na novela que escribiu Lovecraft en 1931, está escrita dende a perspectiva do profesor William Dyer, un xeólogo da Universidade de Miskatonic, e ten lugar na Antártida, onde unha expedición descubre os restos de antigas creaturas que comían humanos. Cando moitos membros da expedición son asasinados, Dyer comeza a se decatar de que as creaturas puideron ser destruidas polos seus escravos, uns seres mutantes chamados "shoggoths", e que poderían estar ainda vivos. A novela é considera unha das pezas mestras de Lovecraft, o creador dos mitos de Cthulhu.

    Del Toro tamén está embarcado noutros dous proxectos, ún sobre o conde de Montecristo e outro sobre Tarzán. E engadiu: "Miren, se eu puidera escoller, despóis de rematar Hellboy 2, faría Montecristo ou as Montañas da Loucura, esas son as miñas favoritas".

    Rodriguez produce Madman

    [0:15 22/12/2006] O director de Sin City, Robert Rodriguez, producirá Madman, un filme baseado no cómic de Michael Allred. George Huang dirixirá un guión que el mesmo escribiu xunto a Allred.

    Madman é unha recreación posmoderna do mito de Frankenstein, cun toque de superheroe. O persoaxe central, morto nun accidente de coche, é reanimado por un médico excéntrico chamado Frank Einstein que lle infunde sensos millorados, pdoeres psíquicos e unha portentosa forza física. Pero o doutor non pode amañar a face da súa creatura, polo que Madman leva unha máscara coa fasquía do seu superheroe favorito para agochar as súas cicatrices.

    O mesmo ca Sin City, en Madman estará moi presente o creador do cómic orixinal. A película será rodada integramente nos estudos Troublemaker que Rodriguez posúe en Texas.

    Rodriguez, que está a preparar unha secuela de Sin City, tamén apadriñou Planet Terror, a metade dun filme titulado Grindhouse e que será estreado o 6 de abril. Quentin Tarantino dirixiu a outra metade, Death Proof.

    Vendidos os dereitos de Peter Pan II

    [0:15 22/12/2006] Dúas empresas con apoio do governo inglés xuntaron as súas forzas cunha produtora independente para asegurar-se os dereitos de televisión e cinema sobre Peter Pan in Scarlet, a recentemente aparecida segunda parte ou secuela oficial do clásico Peter Pan.

    A decisión de lle outorgar a franquía ao consórcio parteu do Hospital de Great Ormond Street, un centro adicado á infáncia ao que o autor da novela orixinal, Peter barrie cedeu os dereitos. A secuela foi escrita por Geraldine McCaughrean pero coa condición de que os dereitos ficarían no hospital.

    As empresas que acadaron estes priviléxios son a U.K. Film Council, un organismo dependente do governo inglés, a BBC Films, o "brazo do cinema" da poderosa canle BBC; e a Headline Pictures, unha compañçia cofundada polo antigo executivo da BBC Mark Shivas.

    Á venda o castelo de Drácula

    [0:44 15/12/2006] A família dos Habsburgo-Lorena decidiu vender, sete meses despóis de o recuperaren, o castelo rumano de Bran, edifício medieval coñecido como una das residencias do príncipe Vlad o Empalador (s.XV), que inspirou as lendas sobre o vampiro Drácula. O presidente do concello municipal de Brasov, Aristotel Cancescu, confirmou hoxe perante a prensa que recibiu recentemente unha oferta por parte dos avogados que representan aos propietários.

    Afirmou que estuda a oferta xunto cos xuristas da institución administrativa local, nombargantes non indicou ningún detalle sobre aspectos financeiros: "o castelo de Bran é un obxectivo de máxima importancia para o turismo do noso districto e tomamos moi en sério a oferta de compralo", dixo Cancescu.

    O castelo, que alberga un museu de arte medieval, foi devolto o pasado mes de xuño aos herdeiros da princesa Ileana de Roménia, casada co archiduque Antón de Habsburgo.

    Un voceiro dos Habsburgo declarou naquel momento que durante tres anos o edificio conservara a sua actual función como museu e que logo "só o futuro decidirá o destino desta residéncia".

    A fortaleza, situada cerca de Brasov, no centro de Roménia, foi construida polos cabaleiros da Orde Teutónica a princípios do século XIII e serviu durante a Idade Média á defensa da ruta comercial que comunicaba Valáquia con Transilvánia.

    O príncipe Vlad o Empalador utilizou esta fortaleza para fins militares várias veces durante o seu reinado.

    Os colonos alemáns de Brasov, que mercaron o castelo a fins do século XV, regalárono en 1918 á raíña María de Roménia, quen convertiuno en residéncia estival da família real e deixouno en herdanza á sua filla Ileana.

    Candidatos para os Globos de Ouro

    [0:44 15/12/2006] Os filmes de ciéncia-ficción e fantasía non escaparon á habitual auséncia de nominacións importantes para os prémios Globo de Ouro, que deu a coñecer o pasado 14 de decembro a asociación da prensa estranxeira en Hollywood, ainda que a CF e a fantasía na televisión tivo millor sorte.

    A série da NBC Heroes foi nominada a millor série de televisión e millor drama, o mesmiño que Perdidos. As actrices de Perdidos Evangeline Lilly e Patricia Arquette, de Medium, foron nominadas para a millor interpretación feminina nunha série de televisión.

    Na categoría de millor filme, Guillermo del Toro con O labirinto de Pan recebiu a nominación ao millor filme en língua estranxeira.

    Outros candidatos de interese para o xénero foron Renee Zellweger, nominada a millor actriz polo seu papel en Miss Potter, Johnny Depp a millor actor en Piratas do Caribe, xunto a Will Ferrell por Stranger Than Fiction.

    Na categoría de millor filme de debuxos animados están Cars, Happy Feet e Monster House.

    A solución, o vindeiro 15 de xaneiro en Los Angeles.

    Extra-terrestres na Universidade de Vigo

    [0:44 15/12/2006] Un grupo de profesores da Facultade de História de Ourense veñen de facer unha chamada á reflexión sobre a conférencia pronunciada no campus vigués por un tal Giorgio Caria o pasado mes e reseñada no diário da Universidade de Vigo (DUVI).

    Con data do 24 de Novembro de 2006, o DUVI publicou a seguinte nova: "Estudantes de Filoloxía reciben unha charla sobre a presenza extraterrestre". Segundo denúncia este grupo de profesores, seica o convidado, Pier Giorgio Caria, analizou o sinificado dos círculos nos campos de millo coa conferencia "Os círculos no gran, unha mensaxe para a humanidade". Segundo a nova, este acto foi organizado pola ONG Fumina Internacional en colaboración coa delegación de alumnos do centro.

    Este conferenciante, que se presenta como "investigador, documentalista e experto en ufoloxía", carece de formación, curriculum e de solidez como autoridade en calquera matéria. Para Caria os sinais no millo "están relacionados coa crise planetária derivada dos problemas medio ambientais e as guerras, é unha mensaxe en harmonía co momento histórico que vivimos".

    Caria afirmou ademáis que "son os governos os que teñen as mellores probas; ocultan o tema porque para eles é un problema de seguridade nacional e, ao tempo, unha oportunidade tecnolóxica con repercusións militares e económicas".

    Entre os profesores que denúncian este acto de papanatismo levado a cabo no supostotemplo do coñecemento e da ciéncia, atópan-se Beatriz Comendador Rey, Mª Victoria Carballo Calero, Francisco Javier Pérez Rodríguez, Milagros Cavada Nieto, Santiago Vieito Covela, Susana Cendán Caaveiro, Xosé Ramón Campos Álvarez, Susana Reboreda Morillo, Roberto Vázquez Rozas, Adolfo Fernández Fernández, Mª Elena de Uña Álvarez, Ladislao Castro Pérez, Fermín Pérez Losada e Mª Beatriz Vaquero Díaz.

  • [0:48 15/12/2006] The Weinstein Co. e a súa división literária, Weinstein Books, van embarcar-se nunha aventura multimédia, adquirindo dous títulos nunha nova série de fantasía para nenos, unha opción para converter as novelas en películas e toda unha chea de opcións para posíbeis precuelas e secuelas. As aventuras escomezan con Alex e mais os Cabaleiros Icónicos, a crónica da escritora primeiriza Adrienne Kress dun orfo de dez anos chamado Alex Morningside para ceibar á súa profesora dunha banda de piratas.

  • [0:48 15/12/2006] A BBC ven de encargar unha nova tanda de episódios para unha segunda tempada de Torchwood, a série secuela de O Doutor Who. O creador de O DOutor Who é tamén o creador de Torchwood (un anagrama de "Doctor Who"), ambientado en Cardiff, Gales, e centrado nunha equipa de investigadores que usan tecnoloxía alieníxena para resolver crimes.

  • [0:48 15/12/2006] Nightmare Detective, o último thriller sobrenatural "made in Japan", será distribuido nos Estados Unidos, Inglaterra, AUstrália e Nova Celándia pola Weinstein Co. O filme é o relato dunha muller detective que investiga o misterioso suicídio de dúas persoas conectadas só polo feito de que antes de morrer marcaran o número cero no seu teléfone móbil.

  • [3:54 09/12/2006] Corre o rumor de que o director de Spiderman, Sam Raimi quere levar ao cinema a populares persoaxes dos cómics pulp, coma Doc Savage, a Sombra e o Vingador, nunha soa película. As mesmas fontes anónimas afirman que o guión sería obra de Siavash Farahani.

  • [3:54 09/12/2006] O protagonista de O Castigador Thomas Jane confirmou que ven de asirnar o contrato polo que será o protagonista da adaptación da novela de Stephen King A Brétema que Frank Darabont vai levar á pantalla grande. Jane revelou que formará parte do elenco protagonista nunha entrevista e sen que ninguén llo preguntara.

  • [3:54 09/12/2006] Segundo revelan fontes habitualmente ben informadas, está-se a preparar o remake dunha das millores comédias de ciéncia-ficción dos anos 80, Curtocircuito, a película protagonizada por Johnny 5, un robot militar que por mor dun curtocircuito cobra vida de seu e escapase para ir parar á casa dunha rapaza, da que se fará amigo. O director do filme orixinal, John Badham, non ten previsto implicarse neste novo proxecto, pero seica si que contan con parte da equipa implicado no filme de 1986.

  • [3:54 09/12/2006] SpielbergFilms.com, un sítio Web creado e mantido por fans do director Steven Spielberg, citou fontes anónimas da oficina do realizador para informar de que negan os rumores que o vencellaban a unha secuela de Poltergeist, e mesmo que estean a desenvolver o mencionado proxecto.

  • [3:54 09/12/2006] Bungie Studios e Microsoft veñen de abrir o rexistro para a vindeira versión Beta de Halo 3, o videoxogo máis popular do xigante de Redmond e que ten previsto aparecer en 2007. O malo é que hai que ser americano ou canadiano para poder converterse nun beta-tester. Ademáis, é preciso ter unha Xbox 360 rexistrada e unha conta con Microsoft .NET Passport.

  • [3:54 09/12/2006] O actor Rip Torn ven de se unir ao clube dos recentemente arrestados pola Policía nos Estados Unidos por conducir bébedos, nesta ocasión en North Salem, New York. Torn, un actor moi recoñecido entre os fans do xénero (por exemplo aparece en Men In Black), foi detido após de que o seu coche participase nun accidente no que se chamou á Policía. O actor, de 75 anos, refugou colabourar coas autoridades, o que por suposto despertou as suspicácias. Xa en xaneiro de 2004, Torn fora arrestado en New York despóis de bater contra un taxi, pero daquela fora declarado inocente.

  • [3:53 09/12/2006] A MGM ven de adquirir os dereitos mundiais para a televisión e para a distribución en vídeo de A Dog's Breakfast, unha comédia negra rodada por membros do elenco de actores das séries do SCI FI Channel Stargate SG-1 e Stargate Atlantis que suporá o debut na realización do actor de "Atlantis" David Hewlett.

  • [3:53 09/12/2006] Thomas Dekker será o intérprete de John Connor na vindeira série dramática de ciéncia-ficción da Fox The Sarah Connor Chronicles, baseada na franquía de filmes de Terminator. Dekker, quei nterpreta arestora ao amigo de Claire na série Heroes, unirá-se a Lena Headey no novo proxecto. Sarah foi interpretada por Linda Hamilton nas películas, mentres que o papel de John fíxoo Edward Furlong en 1991 e